Flatheim

Flatheim heiter det her vi bur. Nesten på Gaularfjellet brukar vi å sei. 420 m over havet. Her har vi det flott! Det som mange har som sitt ferieparadis, har vi som heilårsparadis, luksus! Vi har snø i fleire mnd om vinteren, og kan ta dei flottaste toppturar på ski rett frå stovedøra! Om sommaren kan vi velge å vrake i fantastiske turmuligheter, og det hender vi har opp i 20 grader i vatna her! Vi bur på eit lite småbruk, med sauer, høner og hanen Einar, kattar og kaninar.

søndag 11. februar 2007

Skileikdag på Slåttene

I strålande sol, fint ski- og akeføre og litt kald vind, samla små og store seg på Slåttene til skileikdag. Oppunder 50 personar var med. Oppi bakkane laga vi bål, nokre grilla pølser, andre tok nista si rundt bålet. Det var sosialt og kjekt. Små og store gjekk på ski eller aka på bøane og i bakkane rundt.

1 kommentar:

Tufteline sa...: Så flotte bilder og kjempeflott initiativ!
Det var ein kjekk dag for store og små på Slåttene.; 11. februar 2007 kl. 22:53

Legg inn en kommentar

Flatheim

Huset her vart flytta inn i 1948. Det var mine besteforeldre som bygde det. Syns dei var modige og flinke som bygde eit så stort hus. Dei satsa på turisme. Vegen over fjellet var ferdig bygd 10 år tidlegare, så dette var då ei av hovudferdselsårane gjennom fylket. "Alle" rom var brukte til utleige, og familien "trykte seg i hop" og budde på minst mogeleg plass i sesongen. Etter kvart opna dei også bensinstasjon. I 1963 vart det bygd kiosk. Denne vart bygd i typisk byggestil for den epoken "betongklossar". Denne stilen er etterkvart sjeldan å sjå, og verdt å ta vare på. Om somrane dreiv dei også med camping. Etter at slåtten var over, vart bøen opna opp for teltande gjestar. I tillegg hadde dei dyr, sauer for det meste, men også litt kyr. Bestefar døde i ei ulykke i 1976, og bestemor styrte då i stor grad med mykje av dette åleine vidare. Eg bur sjølv i huset for 4. gang. No har vi budd her sidan 2003. Det er mykje arbeid med å pusse opp og halde ved like. Vi prøver absolutt å behalde huset si sjel, og eg trur vi klarer det bra! Det er moro med gammalt hus. Eg har, med handa på hjartet, aldri ønska meg eit nytt hus. Gamle hus er toppen! Skulle du komme forbi er det berre å ta seg ein stopp. Det er faktisk mogeleg å overnatte, og kiosken går også an å besøke. Og ikkje minst, naturen rundt, maken skal du leite lenge etter!

Flatheim

søndag 11. februar 2007

Skileikdag på Slåttene

1 kommentar:

Blogglista

Følgere