onsdag 23. mai 2012

På tur i Sogn og Fjordane



Eg likar å oppdage mitt eige fylke. Ikkje det at eg ikkje har vore i denne bygda, Fjærland før, men det er ikkje så ofte ein tek seg tid til å stoppe på og sjå og forstå.

Eg likar å sjå natur, folk, bygningar, nytt og gamalt, og ærleg talt, helst gamalt ;-)

Når våren helt på å ta tak, likar eg å oppdage ladskapsrom som er i ferd med å skifte farge. Dette er eit lite "maleri" i skogen under Supphellebreen, der det grøne er i ferd med å få overtaket.





Ein gamal fjøsbygning ved kaiområdet. Fantastisk flotte murar, forseggjort arbeid. Ein stasbygning i si tid. Ikkje fullt så begeistra for forfallet og kontrastane mot rundballar og ymse anna, sjølv om kontrastar er populært for tida...



I Fjærland er dei og så heldige at dei har eit av dei flotte trehotella, som det vart bygde ein del av på slutten av 1800-talet. Dette er frå ca 1890. Hotell Mundal. På plenen ned mot fjorden er logoen til hotellet planta i ein formasjon av påskeliljer.


Fjærland er også bokby. Mange uthus, naust og andre bygningar i sentrum av bygda er fylt opp med bøker. Her treng ein tid. Men det er mogeleg å gjere både gode kupp og spennande funn.


Eg veit ikkje eg, er det Fjærlands siste ku som stikk hovudet ut her?



Summa summarum. Fjærland er ei bygd i fylket verdt eit besøk. Eg var i anledning skuletur. Vi besøkte sjølvsagt Bremuseet som er spanande både for store og små. Grilling under Bøyabreen. Tur til Supphellebreen og jettegryter var spanande. I tillegg fekk vi sjå eit stort rasområde, etter eit ras som gjekk i 2004. Der det demde seg opp oppå breen og når dette brast, raserte det eit heilt dalføre i Fjærland. Slike ras har gått før, fleire stader under Jostedalsbreen og vil nok gå igjen.

Kjekk tur for både små og store!



onsdag 16. mai 2012

Ein sein vår


Eg har sikkert nevnt det før, men eg er ikkje særleg glad i vinteren. Dagane med nysnø som glitrar i sola, og akkurat passeleg vintertemperatur, dei likar eg! Men det er så mange andre sortar vinter som eg ikkje er fullt så begeistra for. Eller, vi kan sei det slik, at om vinteren hadde vore ca halvparten så lang, så hadde det blitt bra!

Altså, eg treng nokre støttetiltak. Det hjelp godt med blomster og lys! Men når dagane blir lenger og lysare, då avtar dette behovet. I år har det på ein måte blitt lysare, men når hagearbeid og anna må foregå i termodress, då er det på ein måte ikkje heilt klart til å avslutte blomster-inne-sesongen. Evt starte plukke-inn-sjølv sesongen.



Eg likar godt å bruke muggar, norgesglas, krukker, kanner osv til å ha blomster i. Blir litt lei dei klassiske blomstervasane. Så for tida er det ein gammal mugge som gjer jobben på stovebordet. Eg syns det er fint!


Forrige veke var eg så heldig å komme over denne vesle vasen, eller kanskje det er eit stort glas? Med litt sliten gullkant og blomstermønster på bruktbutikken. Skal tru om det var 5 kr den kosta? ;-)
Det likar eg!



mandag 14. mai 2012

Uterom


Under altanen er ei lita avdeling. Har ein periode nytta det til å tørke klede, men syns ikkje det var så praktisk. Til tider dårleg tørk, men også lite smart når inngangen til Nostalgikjellaren vår er her. Difor fjerna eg klesnorene, og "innreda" ei lita avdeling her. Her er det iallefall mogeleg å sitte tørt om ein føler for å lufte seg litt på våte dagar (og litt har vi av dei).