søndag 10. oktober 2010

Fin start på haustferien

Har ein tendens til å måtte ha friske, avskårne blomster i huset. Denne veka var det 20 for 59 på Coop'en, så då blei det ein svær bukett med kvite roser. ;-)


Vi har så og sei alltid oppussingsprosjekt på gang ein stad. For tida har vi minst to. Dette golvet er det eine. Når vi flytta inn pussa vi ned alle golv, etter å ha henta mange fram under golvbelegg og plater
For variasjonen sin del, og ikkje minst for å gjere det litt enkelt, blei eit par av soveromsgolva malte. Dette var ingen suksess. Malinga hefta dårleg på underlaget, truleg pga av blandinga i den gamle lakken. Det vart difor svært fort stygt.


Vi har no tenkt å skifte heile golvet. Etter ei runde hos byggevareforretingar i Førde, og litt telefonar til andre i distriktet, fann vi til slutt nokon som kunne levere golvbord i same breidde som det gamle. Bestilling er lagt inn. Planen var å starte med utriving av dette i helga, men der strakk ikkje tida til. På same tid skal det isolerast under, og truleg fjernast museskit ....

Ellers så var det litt framgang på eit par av dei andre prosjekta, noko som bl.a resulterte i at eg sit med ein bandasjert peikefinger....




Helga måtte også nyttast til litt trim og friluftsliv. Det fine veret tilsa at ein liten tur måtte leggast inn i programmet kvar dag. Fredag føremiddag vart det ein liten fin tur på Gaularfjellet. Her ved Torsnesstølen.




Gaularfjellet.






I dag blei det utflukt med gutta-boys til Langeland for å rappellere. Eg, som er ganske hardt ramma av høgdeskrekk holdt seg under feltet for fotografering. Best slik...





Men gutane var tøffe og kom ned den ca 25 meter høge veggen...





Teknikken blei bedre for kvar tur!






På heimveg vart det stopp for ein liten stølstur. Rørstadstølen ligg fint til oppe i lia ved Viksdalsvatnet og har ein flott utsikt!




Utsikt mot Viksdalen.






Eit gammalt tre med mange hakkespetthol og store soppar.




Skogstroll!





og eit litt sånn Harry-Potter-aktig tre ;-)
Då håpar vi på fint haustferiever også, alt blir så mykje kjekkare då!







1 kommentar:

Solveig sa...

Så deilige høstbilder og ikke minst kjekt å se så sprek ungdom:o)))
Jammen spennende prosjekt du har! Her ser det ut som om det blir en del forandringer etterhvert. Kjekt å ha noe å glede seg til selv om det betyr en del arbeid i perioder:o))
Ønsker deg en flott helg, Heidi!
Klem fra Solveig