søndag 12. februar 2012

Trang for oppdatering....


Dristar meg til med eit lite interiørinnlegg. Det blir heller lite av det, sjølv om planane er der. For det er alltid slik at når ein ser ting gjennom linsa, då ser ein alt som ein har tenkt å rette på, eller som ein ikkje er heilt fornøgd med. Eigentleg ein fin måte å få augene opp for ting ein har sett seg blind på, både innomhus og utomhus ;-)!

På bilde over ser de ei tallerkenhylle som eg og mannen laga i haust. Eg hadde lenge snusa litt rundt etter ei slik hylle, men fant aldri noko som passa med pris, eller størrelse, så til slutt fann eg ut at det var berre å setje igang sjølv. Det føregår slik at eg teiknar og føreslår korleis det skal sjå ut, er som oftast med på materialhandel eller leiting i eige lager (som snart er oppbrukt), mannen snekrar og sagar stort sett, Til slutt er det min tur å svinge malarkosten. Sjølv om alle no skal ha det meste kvitt, så vart det ikkje det her i garden. Det vart faktisk stikk motsatt, svart!

Her har eg plassert alle mine fargeglade koppar frå Greengate og dei få eg har frå PIP. Blir litt glad av å sjå på denne hylla med glade fargar. Og så er det slik at eg kan velge ein ny type kopp kvar gang eg skal drikke ein kaffelatte eller ein kopp te. Små gleder er viktig det!



Noko som også er komme i hus i løpet av dei siste månadane er desse fantastisk fine boksane. Eg er meget glad i gamle, fine boksar. Endå eit innslag med glade fargar! Den blå rommar flatbrød, heimelaga av ei tante, -og eg skal snart manne meg opp å teste flatbrødbakeevnen sjølv har eg tenkt. Så då kan det bli påfyll. Den gule boksen rommar ymse snacks som av og til kjem i hus, og ellers ikkje har nokon fast plass. For snopehylle eller snopeskuffe, det har vi ikkje ;-).

Ha ein fin søndag. Her er dei fleste ute på ski, unntatt meg som ikkje er i "optimal" form kva dag, og den av sønene som er "friskast" i bakken, men som blei litt for tøff i går, -han kom forsåvidt bra ifrå det, men ein dag uten skisko og full fart opp ned og bak fram er truleg påkrevd ;-).

Ha ein fin søndag og morsdag!  Vurderer litt vaffelsteiking ut på ettermiddagen, -men er litt i stuss om det er mi oppgåve i dag....


3 kommentarer:

ide-puffen sa...

Titt tei.
Så fint med den kontrasten. Blir litt lei av å ha alt hvitt. Malte min hylle grå forrige uke. Godt fornøyd.
God morsdagskveld.
Randi

EKTE INTERIØR sa...

Kjempefin hylle, likte virkelig formen. Lekker i sort også. Ha en finfin uke!

Solveig sa...

Så flott den hylla blei, Heidi! Helt enig med deg; skal man få det slik man vil, må man lage det selv;o))
For en koselig samling kopper og fat du har. Har noen greengate kopper selv - de er så praktiske på hytta når en skal se hvem kopper tilhører og ikke alle er akkurat like. Likevel passer de sammen-perfekt!

Ønsker deg en flott uke. Ikke ski på meg heller, men det er aldeles selvvalgt;o)))))

Klem fra Solveig