Fosserock

Må berre nett blogge litt om Fosserock. Når eg og naboen er like optimistiske og trur at alt går an berre du vil det nok, så blir det Fosserock! Dette er litt gammalt nytt, men på tide å mimre litt, og gire meg opp til ny innsats og Fosserock 2010


29. august 2008, hadde vi altså Fosserock. Første-band ut var Hellbillies, som stod og fortsatt står på favorittlista mi.... Nesten 1000 mennesker totalt fann vegen til fjells for god musikk, naturoppleving og noko litt annleis...Å høyre favorittgruppa spele på heimebøen er litt uverkeleg når det skjer. Men jøyemeg kor morro. Og så morro at så mange folk ville komme. Og ikkje minst morro at så mange folk ville vere med å hjelpe til, og attpåtil har sagt at dei blir med ein gang til. Difor er optimismen på plass, og tru og håp om ny konsert neste år. Kven som skal spele er ikkje bestemt. Vi er gjerne opne for forslag. Det må vere rock.