Flatheim

2011 Ein slags oppsummering

2012-01-11T01:35:00.000+01:00

Tja.... Ikkje så vanskeleg å sjå av bilda kva eg ser mest fram til for tida, kanskje? For å sei det slik, så er det ikkje dei 2-3 snømånadane vi har framfor oss no. Sola som kjem att om eit par veker, derimot er eg særs begeistra for. Og at det lysnar litt dag for dag. Snøen er grei nok den, her hos oss får den som oftast ligge, så det er ikkje så verst sånn sett. Og det er slett ikkje verst at vi mest truleg får starta det nye skitrekket vårt i løpet av dei første dagane, og det skal bli morro! Gledar meg til å sjå små og store i full aktivitet "rett uanfor" stovevindauga. Kanskje må eg til og med tusle meg bort sjølv og...

Likevel gledar eg meg mest til våren, når snøen må gje tapt for varmen. Liene blir grøne. Sauene får lam. Krokusen sprett,- og eg har planta 40 nye krokusløkar! Fuglane kjem i fuglekassane. Hønene får komme utatt. Grillen får komme utatt. Balejazz.

Det er våren som er mi årstid.

Eg hadde igrunn tenkt å lage eit innlegg med bilder frå året som gjekk, Eller rettare sagt iallefall siste halvåret, etter at vi fekk på plass nytt kamera og det vart moro å ta bilder. Men eg har ikkje tolmodigheit til å arbeide med desse blogginnlegga så lenge i slengen, så eg har lasta opp eit bilde no og eit bilde då. Plutseleg er det 11. januar, og eg tykkjer det er på tide å poste innlegget som liksom skulle vere nyttårsinnlegg. Så då får eg legge ut dei bilda eg har så langt, så får eg sjå om det blir fortsettelse ein anna dag. Eller om eg rett og slett begynner på noko heilt nytt ;-)

Dette bildet er av Jonathan som plutseleg fann ut at han skulle sykle Gaularfjellsrittet i august. Tøfft gjort!

Over frå ein fin kveldstur til Kjelstadstølsdalen.

Bursdagsfeiringa til Ronja, som på grunn av forholdsvis bra ver måtte feirast ute. Inkludert bading. (Bading er det forresten for ho den dagen, uansett ver.)

Ein kveldstur til Vikumstølen med Barnas Turlag Fosseheimen.

Fjorårets ferietur som varte i 2 dagar, og vart avvikla i eige fylke.Tur til Selje og Vestkapp.

Ganske oppkvikkande å sjå desse sommarbilda spør du meg. Her på Flatheim er jula ute. Primula er på plass både her og der, og vi ventar på sola!

Fylkespris for idèrike bygdesamfunn

2011-12-17T23:58:00.000+01:00

Denne veka har vore innhaldsrik. Tysdag hadde eg eit spanande oppdrag. Viksdalen var nemleg utpeika til fylkepris for idèrike bygdesamfunn. Dette var stas. Ettersom det var eg som hadde forfatta og fremja forslaget, så fekk eg oppdraget å reise på Fylkestinget og ta imot. Gaularfjellet er sjølvsagt vinterstengt, så å køyre ein tur til Fylkeshuset tek nesten tre gangar så lang tid som det ellers ville gjort. Men eg fekk heldigvis med meg godt selskap, så det blei rett og slett ein koseleg førjulstur.

Litt spanande var det og å vere med på tingsete, sjølv om vi ikkje var der meir enn nokre timar. Kjekt å sjå korleis det går føre seg, og ikkje minst helse på mange av våre folkevalde som skal styre og stelle denne perioden.

Her kan du lese litt meir om prisen og utdelinga om du vil ;-)

I morgon er det skitnesøndag. Eg reknar med den blir litt slik her i huset, altså litt skiten. Er ikkje aldeles i rute til jul nett endå. Men det kjem seg vel litt med morgondagen til hjelp. Har fått eit par sortar småkaker i boks i kveld, og kakemenn-deig står til kjøling, så då ligg vi godt an på den fronten iallefall. Så får vi sjå korleis det går på dei andre frontane....

Kaffe Latte i favoritt-kaffibaren!

2011-08-26T19:37:00.000+01:00

Mange set pris på ein kaffipause.

Eg er ingen kaffidrikkar, men ein Kaffe Latte går fint!

Veldig fint!

Spesielt i min yndlings kaffibar.

Slik!

Og godt selskap gjer ingenting!

Den kan td kombinerast med eit par kast med fiskestanga, -eller ein dukkert om det skulle vere ynskjeleg, -slik det var for mitt selskap ;-)

Ferieparadiset

2011-08-24T18:19:00.000+01:00

King Bailey's Cabin

-var eit særmerkt lite hus som vart bygd ved gravhaugen Balahaugen ca. 1904 av Hermund Steffenson Thue, som etter nokre år i «Junaiten» kalla seg Herman Stevens. Huset vart nytta som souvenirbutikk til 1935, og flytta til Vellene som bustad.

Her fekk plassen navnet "Arnetun", oppkalla etter sonen til han som kjøpte det og flytta det.

Mine besteforeldre kjøpte det på 50-talet og budde der fram til ca 1976. Sidan har det vore nytta som feriestad for familien.

I Balestrand finn ein mange hus i Sveitserstil, og dette blir som ei mini-mini-utgåve av dei.

Ærverdige Kvikne's hotell, både den gamle trebygningen og det meir "moderne" høgbygget , har vi god utsikt til.

Engelske kyrkja kan vi og sjå.Den ligg ca midt mellom oss og hotellet. Denne kyrkja vart bygd til "ære" for prestedottera, Margaret Sophia Green Kvikne (1850-1894)

Ho kom til Noreg første gong i 1886 for å drive fjellklatring, og var ei av dei første kvinner som klatra til topps på Romsdalshorn. I Balestrand vart ho gift 1890 med hotelleigar og fjellførar Knut Kvikne. Ho døydde av tuberkulose i 1894. Men før ho døydde, oppmoda ho ektemannen om å byggje ei «engelsk» kyrkje for turistane i Balestrand.

Han fekk m.a. økonomisk støtte frå to velståande amerikanske kvinner som budde i Balestrand, Gertrude Abbot og Elisabeth Winslow Peters.

St. Olafs kyrkje vart bygd som ei etterlikning av ei norsk stavkyrkje, og vigsla 1897.

Minneportrett av Margaret Green Kvikne heng ved inngangsdøra til kyrkja.

Ein suveren utsikt over Sognefjorden.

Fin utsikt til frukost og fin utsikt til kvelds!

Litt interiør og slikt....

2011-08-09T18:09:00.000+01:00

Ettersom vi har hatt open kiosk med kaffi og is i sommar, var det på sin plass med bord og stolar til eventuelle gjester. Difor vart terrassen så og sei ribba for møblar, og desse vart plassert ved kiosken.

Det har jo vore litt opplett innimellom...

Ein ribba terrasse er jo ikkje så veldig koseleg, så her måtte det på plass litt kreativitet. Kjellarboder, låve osv vart sjekka ut for potensielle dekorative og nyttige element. Diverse kassar vart skrubba for sauemøkk og ymse, og gamle baljar og bøtter vart henta fram. Eg er vart igrunn meir fornøgd med terrassen no når eg fekk plassert litt gammalt og ymse gjenbrukssaker der.

Bord hadde eg heller ikkje... Men i grenda har vi eit firma som driv med linjer og kablar, så vegen var ikkje lang for å skaffe seg ein kabeltrommel. Hadde igrunn tenkt å male den, men måtte iallefall prøveoppstille først, og eg syns igrunn ikkje den vart så verst. Hadde til og med fire hjul liggande som eg har flytta på nokre gangar, og lurt på kva dei kunne nyttast til. Og no var endeleg dagen kommen, -under trommelbordet sjølvsagt!

Og eit slikt bord kan jo nyttast både over og under ;-)

No er det vel ikkje heilt rett og kalle verandastæsjing for interiør....

Hmmm...

Jaja, kan iallefall vise at samlinga mi av desse svarte gjenstandane veks. Endå ein ny vase vart erobra på Låven på Sandane.

Og så kan eg vise eit lite tablå frå loftsgangen.... Ein krakk med nokre, sikkert minst 50-60 år gamle sko, som eg sjølv har hatt i eige i sikkert minst 25 år, etter at eg redda dei frå ein søppelsekk i si tid. Skrullete? -ja, kanskje det ;-)

Til slutt nokre bilder frå "leiligheta" som vi har hatt som utleige i sommar.

Har sikkert vist litt bilder herifrå før, men med nytt kamera, litt betre bilder, så eg tar ei ny runde...

Det meste her inne er gamle saker og ting, som eg har samla litt her og litt der gjennom åra.

Eg syns utsikta er fabelaktig!

Men, i hagen utanfor bur det sikkert minst 5-6 hanar, og desse er etterkvart begynt å gale, eller iallefall trene seg på det. Det kan bli eit ganske bra orkester ganske så tidleg på morgonen....

Men, i dag har eg fått på plass øyreproppar. Det er jo ikkje sikkert alle syns dette er festleg og eksotisk ;-)

Litt hage....

2011-08-07T23:28:00.000+01:00

Likar igrunn å surre litt i hagen....

Og nokre nye prosjekt kvar sesong er ikkje til å unngå.

I år har det blitt grusgangar. Det var eit vinn-vinn prosjekt, der grastorva forsvann opp på taket på gapahuken. Eg likar igrunn godt slike prosjekt som på ein måte er to på ein gang.

Bedet under terrassen måtte sjølvsagt også utvidast, for vi kunne jo ikkje ha ei stripe med plen mellom grusgangen og bedet! Trur dette var ei stor forbedring som vi vil setje pris på. Dessutan blir inngangen til Nostalgi-kjellaren både betre og finare. Faktisk var vel dette prosjektet kanskje tre-fire prosjekt på ein gang. Iallefall er det avkryssa på to-do-lista ;-)

Urtehagen som vi så smått starta på for eit par år sidan har også blitt udvida og utvikla. Kan fastslå at dei fleste urtane frå i fjor har overlevd denne tortur-kalde vinteren. Det er bra på ca 430 moh.

Inspirert av Nina i Paradiset, fekk eg i fjor sommar på plass eit badekar ute i hagen. Må innrømme at det ikkje har vore brukt så veldig mykje. Men eg syns det er ganske koseleg, og kjekt å ha muligheit for eit karbad i det fri!

Ein gammal utslagsvask pyntar opp veggen på hønsehuset, og ein gammal benk som eg har "redda" har også fått plass i dette hjørnet av hagen.

Vi har stort sett hatt open kiosk med ymse innhald i sommar. Diplom-is og kaffi er ein slager. -Og i går forsvann jammen eitt av mine heimelaga lappe-sengetepper heilt til Tyskland. Litt artig det!

Syslar med tanken på eit interiør-innlegg i neste omgang.

Har vel skjedd eitt og anna på den fronten og ;-)

Sommar i fjellet

2011-07-18T21:07:00.000+01:00

Her i "fjellheimen" er det litt av kvart å ta seg til.

Sommaren er tida for uteprosjekt.

Det er sjølvsagt rikeleg av dei, og det har lett for å dukke opp nye ;-)

Den vesle, gamle, sjeldne kiosken vår, er stort sett open om dagane, og vi har is, brus, kaffi, Balholm og litt ymse i denne "bua". Nostalgisk, særprega og ganske koseleg.

Rett som det er stoppar det turistar, både køyrande og vandrande, tek seg ein pause, og kosar seg med is og kaffi.

Det er difor på sin plass å ha stolar og bord til desse gjestene. Det resulterte i eit nytt prosjekt... Eit "møbelsett" vart henta fram og mala , og resten av møblane treng og oppussing, så faktisk skal alt malast. Hmmm... eit langsiktig prosjekt kanskje?

Innimellom ferierer vi litt i og ved gapahuken. Laurdagskvelden hadde vi denne utsikta ilag med koseleg besøk. Ikkje verst ;-)

Litt framgang har det og vore på Storehus-flytte-prosjektet. Men fortsatt mykje godt arbeid gjenstår her.

Tenkjer eg skal vise meir av sommarprosjekta ein annan dag...

Ha ein fin kveld!

Sjøsetting av ender

2011-07-11T15:46:00.000+01:00

Det var på tide å "sjøsette" endene.

Friskt rennande vatn og større område var heilt nødvendig.

Vi har heldigvis ei lita elv som renn gjennom garden, "Flatelva", her er det kulpar og fossar og roligare farvatn i fin blanding. Hit gjekk flyttelasset.

Endene flytta i "det dei sto og gjekk i". Vi geleida dei opp på den gamle høyvogna (den raude vogna vi ser litt av på bildet), og så gjekk turen til elva.

Dei hadde alle instinkt i orden, dei berre gjekk fram på elvekanten og sleppte seg uti.

Full fest! Dei bada og boltra seg, og ikkje minst vaska og pussa seg i fleire timar.

Dette var stas!

Vi fekk bygd eit lite hus til dei og, men den får vi vise fram ved ein seinare anledning, treng litt maling og slikt før det er heilt presentabelt, men det gjer nytten frå dag 1.

Kjem tilbake snart med sommar på Flatheim.

Morgontrimmen!

2011-05-09T20:38:00.007+01:00

Eg seier meg godt fornøgd med morgontrimruta mi!
Vi er så heldige å ha ein flott tilrettelagt tursti langs elva, heile 21 km er tilrettelagt med sti, heller bruer, skilt, merker osv.. Eg har valt meg ut ein liten del av den, der eg får ei fin sløyfe som er akkurat passeleg for ein morgontur.

No er det slett ikkje kvar dag, det blir gjennomført, men det kan vere eit mål.....Stien kan forresten nyttast til alle døgnets tider, -så det er aldri for seint ;-)

I dag har eg hatt ein av dei flottaste turane på stien "ever"!

Berre sjå....

Eg knyter meg på stien ved Myravatnet. Her held isen på å bryte opp og sei farvel, og vasskanten var full av glitrande diamantar..

Vel inne på stien kjem eg til eit myrhol. Det er skummelt og spennande på same tid. Eit slikt hol som er botnlaust.....

Denne elva må eg over, men det går fint, ligg mange store steinar uti, gjeld berre å holde balansen...

På andre sida står ein F og viser at eg er på rett veg.

Så går eg langs Lisjevatnet.

Før eg kjem til Hovsfossen. Her er det sterke krefter i sving, når vatnet kastar seg utfor.

Hovsfossen.

I bakgrunnen garden Hov.

Høyr kor de buldrar.....

Ved foten av fossen har ei gammal uteløe/vedbu fått nådestøtet i vinter.

Dette er eit gamalt grindbygg. Tragisk å sjå for ei som syns gamle bygningar er blant det flottaste eg kan tenke meg..

Men heldigvis er det også løer som lever i (nesten) beste velgåande ;-)

Etter å ha forlatt stien for å returnere heimover, "sneik" eg meg gjennom eit beiteområde Dette beitet er eit av dei flottaste i sin sort.

Denne mosemyra måtte berre forevigast.

Då er eg inne på vårt eige beiteområde. Her held vi på å opparbeide ein fuglesti. Sjølvsagt med tema fuglar, -som vi har kalla "Fuglar i Fosseheimen".

Her er eit rekkehus for sporvar.

Eneboligar også....

Må til slutt nett vise dei nye bebuarane på Flatheim. 5 små andungar! Skikkeleg søte og morsomme.

"Ka i alle dagar? -Pingvinar? -sa ein av gutane her idet han kikka ned i kassen i innflyttingsøyeblikket ;-).

Flatheim kjem fram att frå snøen

2011-05-02T18:34:00.000+01:00

Plutseleg vart det vår!

Siste dagane før påske forsvann snøen i rekordfart.

Det vart litt travelt for litt av kvart hadde snøa ned og var flott gøymt under det kvite teppet.

Full fart fram med rive og trillebår, og få vekk alt rusk og rask, kvist og kvast.

Litt påskeliljer måtte på plass også.

Sjølv om det freistar å oppsøke hagesentera er det berre å ta det litt roleg, kan nok bli både snø og frostnetter her i fjellet ei god stund framover endå.

Men det blir ikkje lenge før stemorsblomster skal i jorda, dei toler ein støyt.

Og dei som styrer seg sjølv må sjølvsagt få lov til det. Eg har ei tue med snøklokker i hagen, og dei ventar ikkje lenge før dei viser seg i full prakt.

Vi har også henta nye kyllingar til gards. Dette er fire dverg cochinar. Dei har tøfler på, og er veldig nusselege. Her har dei fått lov å boltre seg litt i hagen i fineveret. Trur dei syns det er ganske stas.

I dag har naboen dradd ut gyllevogna, så no er vårlukta på plass og. Den er heldigvis forbigåande.

Etter ein litt stille periode på bloggen, satsar eg no på litt hyppigare oppdatering. Vaknar liksom litt til liv ilag med alt anna i naturen!

Skal tru om det blir hagearbeid snart?

2011-02-23T22:55:00.000+01:00

Omtrent slik ser det ut her for tida. Kvitt og fint!

Kun få dagar att før vi er i vårmånaden, mars.....I går gjekk varmesteinen i jorda, så no er det håp!

I dag har eg fyrt i 4 ovnar, full stilling som fyrbøtar med andre ord. Ein iskald austavind bles gjennom hus og marg og bein, så det er heilt nødvendig å tenke positivt. Dagane blir lenger. Viss ein legg godviljen til, så kan ein sjå og kjenne at sola klarar å varme litt her og der.

Tenker litt på prosjekta som står for tur når snøen forsvinn....Lurerr på kortid vi kan starte på dei? Heilt umogeleg å svare på, men ingen fare, det er eit og anna som står igjen av det som skulle vore gjort før snøen forsvinn og ;-)

Ein av syrinane i hagen ber tunge bører....

Tippane som bygger seg opp av snømåkinga blir større og større....

Blir spennande å sjå kortid desse forsvinn.

Sola er hjarteleg velkommen inn!

And the winner is..........

2011-01-25T23:06:00.001+01:00

Då har tellaren omsider passert 10 000, eg har ikkje gjort så mykje for å påskunde denne happeningen, så det har vore posta lite nytt, for å sei det sånn...

Men tida var inne for trekning, og lat som eg var i gjerningsøyeblikket, gjekk eg inn på random.org, la inn antal kommentarar (som var overkommeleg), og den heldig vart kommentar nr 2! Linda som blant anna administrerer bloggen Tuftegarden 4h-gard. Eg syns det var ganske morro og trekke på random, så eg fann ut at eg ville trekke ein liten trøystepremie. Denne gjekk til kommentar nr 4, som var Snillpike. Det morsomme med denne bloggen er at eg etter å ha fulgt den ei god stund, og fleire gangar følt at det var noko kjent, plutseleg gjekk opp for meg at innehavaren av bloggen var ein gammal nabo! Tenk å vere så treig i oppfattelsen når verden trass alt er så liten!!

Vel, då gjenstår det berre å klekke ut kva premiane skal bli, for det har eg ikkje hatt tid til etter at eg lyste ut konkurransen i romjula! Men gje meg eit par dagar, så tenkjer eg eg har ein plan.

Mulig eg skal nevne noko om bildet over... Det er ikkje årets, men kunne kanskje vore det med tanke på snømengde og slikt. Bildet skal i dette høvet fungere som eit slags illustrasjonsfoto på at vi får sola tilbake her på Flatheim, og det i løpet av kort tid, faktisk kan vi vel kanskje telle timar, og det er ikkje verst. I dag har eg spesielt lagt merke til at dagen er lysare i begge endar faktisk, og det må eg sei er ikkje anna enn ein FRYD!

10 000 og trekning!

2010-12-28T00:29:00.003+01:00

No overdriv eg litt...er ikkje 10 000 besøkande nett endå, men det nermar seg...
Og då tenkte eg at det er på sin plass å trekke ei gave her på bloggen. Om 4 veker+ kjem sola tilbake her, og ho er hjarteleg velkommen! For tida spekulerer eg på nyttårsforsett. Har funne ut at det ikkje er så dumt, og om eg fortel dei til nokon, så greier eg å halde dei og. Tidlegare har eg hatt "skal ikkje"-forsett. Eg trur nok det er lettare enn "skal"-forsett. Men eg trur kanskje det er på tide å avansere litt og satse på "skal"-forsett i år ;-). Vel, vel, eg har nokre dagar igjen på å formulere det....så vi får sjå kva det endar med...

Mens eg ventar på at sola kjem tilbake, og i manko på gode, nye bilder, trøstar eg meg med nokre litt gamle sommarbilder, frå ein sommartur på fjellet her med gutane. Eg er og svært interessert i litt høgre temperaturar framover, både vinter og sommartemperaturar. Gjerne litt snø og (gjeld vinter), for no er det knapt til å gå på ski, og då er jo vinteren heilt ubrukeleg, med altfor lite snø, og altfor mange kuldegrader.

Vel, iallefall, besøkstalet etter at eg starta teljaren i fjor haust, har snart nådd 10 000. Akkurat kva eg skal trekke har eg ikkje spekulert ut endå, men ei gave skal det bli!

For å vere med i trekninga må eg få ein kommentar på dette innlegget, slik at eg har nokon å trekke mellom ;-). Trekninga vil foregå så fort eg oppdagar at teljaren passerer det magiske talet. Så her er det berre å hive seg rundt!

Har eg bu så har eg bu!

2010-11-18T00:54:00.002+01:00

Eg har ein gammal bevaringsverdig kiosk. Kiosken var ein del av ein bensinstasjon som vart bygd tidleg på 60-talet. Den fungerer delvis som ein kiosk, litt drift om sommaren, og litt museum... for bygningen er ei av få i sitt slag som er att i landet, og litt gamle saker som hadde sin plass i kiosken, har fortsatt sin plass der. Og sjølvsagt har eg samla ein del bilder frå bensinstasjonen sin start og fram til no. Nokre av desse er komt på veggen.

Eg likar å putle på og lage litt saker og ting, sjølv om eg gjerne skulle hatt mykje meir tid og høve til det...

Men av og til kjem symaskina eller noko anna kreativt fram på bordet. Overskotet av produksjonen havnar inn i bua. Ein stad må det vere ;-).

Inspirert av diverse livsstilsbutikkar som eg har observert i denne bloggverden og på andre nettstader, har eg også fått på plass pittelitt varer i bua. Vel, litt varer har eg hatt lenge, men no er det litt i gave og interiør-leia.

Putene vart laga i fjor på denne tid....

Men her er litt av dei ikkje-heimelaga-varene. Litt i mi ånd er det... Produkta kjem frå Sagen Vintage Design, og ideen er å bruke motiv frå blant anna gamle postkort, samla av ein samlar....( og det kan eg vel kalle meg eg og.....)

Serviettar, kort og fyrstikkøskjer er det eg har fått på plass i bua, så langt. Kanskje finn eg noko anna spennande å putte inn der og etterkvart...

Men dei kan jo ikkje berre stå der til pynt, så om nokon treng ein liten presang til seg sjølv eller andre no i desse tider, er det berre å stikke innom ;-).

Desse rosene fekk eg i presang av meg sjølv før helga. I denne mørketida, og kalde tida, er det viktig med litt oppmuntrande blomster i stova. Og telys! Enten telys eller sydentur ;-)

Ha ei god natt! Skal prøve å komme tilbake om ikkje så lenge!

Nyinvestering!

2010-10-23T21:37:00.003+01:00

Eg er igrunn lite begeistra for desse "kjøpebloggane", der ein til stadigheit skal vise fram nye ting ein har kjøpt....Men i dag tenkte eg at eg nett skulle vise kva eg har fått i hus denne veka.

Moods of Norway traktor-vaffeljern!

Har veldig sansen for Moods-gutane og inspirasjonen dei finn i tradisjon, kultur og natur her på vestlandet (og sikkert ellers i landet og).

Martinus fekk æra av å innvie det i forbindelse med 4H-prosjektet sitt. Lurer litt på korleis det passar med mi tolmodigheit angåande vaffelsteiking til storfamilien.... Er jo litt krinkelkrokar som skal fyllast med røre. Men Martinus fekk det til, han klaga ikkje heller, så då er det vel håp for fleire....og ein kan jo alltids supplere med dobbelt vaffeljern om det går for seint med ein traktor i slengen.

God helg til alle, her blir det muligens søndagsvafler ;-)

På hausttur i Balestrandfjella

2010-10-17T09:41:00.003+01:00

I går tok vi ein liten rundtur over Balestrand. Eit flott løypenett er merka og tilrettelagt med utgangspunkt frå Belehalli, like over sentrum. Her kan vi velge mellom natursti, stølstur eller topptur, rundtur eller fram og tilbake same vegen. Lange og korte.

Vi kjem fort opp til god utsikt!

Kviknes Hotell og Balestrand sentrum.

Oppe på første støl, eller stølsvoll..., -her er det ingen stølshus att å sjå.

Neste støl er Fjærestadstølen, her er det to fine stølshus. Koseleg stølsvoll.

Nedover frå Fjærestadstølen går vi gjennom eit stort granfelt. Å gå gjennom slike granfelt med den mjuke mosedekte bakken er magisk!

Ei flott bru gjer det komfortabelt å ta seg fram ;-)

Her er det berre å ta turen!

Ein forlatt skatt

2010-10-15T20:38:00.005+01:00

Eg har alltid vore fascinert av gamle bygningar. I dag har eg besøkt ein stad med mykje historie og mange skjebnar.

I Luster ligg Harastølen. Ca 500 moh. Majestetisk ruvar den store bygningen oppe i fjellsida over Lustrafjorden. Omkring hovudbygningen er det mange mindre bygningar. Harstølen var tuberkulosesanatorium frå 1902 og fram på 50-talet. Teorien på den tid var at desse pasientane kunne kurast i tynn og tørr fjelluft. Plasseringa av Harastølen var i ei slik "immunsone", som det vart kalla. Etter at tuberkulosevaksine fekk sitt gjennombrot etter 2. verdskrig vart sjukdommen meir eller mindre utrydda her i landet. Etter dette var Harastølen psykiatrisk sjukeheim fram på 80-talet.
Ein liten periode var det også asylmottak her, til all drift vart lagd ned først på 90-talet.

Bygningen kosta 777 000 då den stod ferdig i 1902, den hadde då 96 sengeplassar. På 50-talet var kapasiteten oppe i 150 sengeplassar.

Harastølen består av 23 bygningar. Eit heilt samfunn var bygd opp her. Eige kraftverk, taubane, grisefjøs, søsterhjem, doktorbolig, postopneri, kapell med likhus osv. Her er det mykje fordums prakt å sjå.

Dette er vel eit stabbur, som er på veg å legge seg litt over.....

Eit stort forfall, som har vorte framskunda av hærverk. Tragisk.
Slik eg har oppfatta det er det eit aksjeselskap som no eig Harastølen. Intensjonen var for 10 år sida, og utvikle staden til eit ferie-og fritidssenter.

Litt spøkelsesaktig... Mange lar seg nok fascinere også av det....

Utanfor bygningen var det tidlegare bygd ein baldakin. Der vart pasientane trilla ut for kuring året rundt. Her låg dei og pusta inn den "riktige" lufta godt innpakka i posar av reinsdyrskinn.

Samfunnet. Ser føre meg aktiviteten som har vore i tunet og bygningane.

Skulle nok vore freda og tatt vare på dette her. Mykje viktig og spennande historie knytt til staden.

Veit ikkje kva dette er for byning. Nokon som veit?

Eiga taubane frå fjorden og opp.

Dette var eingang eit staseleg stakittgjerde..........

Det var kjekt å vere der og sjå staden på nært hold, forfallet var større enn eg hadde trudd. Bilda eg har sett er nok nokre år gamle... Rart å forestille seg at det var drift der for under 20 år sidan....

Med mykje innsats, kreativitet og pågangsmot kan det vel fortsatt gå an å redde staden. Men eg trur det hastar!!

-og det trengst både eldsjeler og pengar!!

-men begge deler finst jo i dette landet!

Fin start på haustferien

2010-10-10T21:39:00.005+01:00

Har ein tendens til å måtte ha friske, avskårne blomster i huset. Denne veka var det 20 for 59 på Coop'en, så då blei det ein svær bukett med kvite roser. ;-)

Vi har så og sei alltid oppussingsprosjekt på gang ein stad. For tida har vi minst to. Dette golvet er det eine. Når vi flytta inn pussa vi ned alle golv, etter å ha henta mange fram under golvbelegg og plater
For variasjonen sin del, og ikkje minst for å gjere det litt enkelt, blei eit par av soveromsgolva malte. Dette var ingen suksess. Malinga hefta dårleg på underlaget, truleg pga av blandinga i den gamle lakken. Det vart difor svært fort stygt.

Vi har no tenkt å skifte heile golvet. Etter ei runde hos byggevareforretingar i Førde, og litt telefonar til andre i distriktet, fann vi til slutt nokon som kunne levere golvbord i same breidde som det gamle. Bestilling er lagt inn. Planen var å starte med utriving av dette i helga, men der strakk ikkje tida til. På same tid skal det isolerast under, og truleg fjernast museskit ....

Ellers så var det litt framgang på eit par av dei andre prosjekta, noko som bl.a resulterte i at eg sit med ein bandasjert peikefinger....

Helga måtte også nyttast til litt trim og friluftsliv. Det fine veret tilsa at ein liten tur måtte leggast inn i programmet kvar dag. Fredag føremiddag vart det ein liten fin tur på Gaularfjellet. Her ved Torsnesstølen.

Gaularfjellet.

I dag blei det utflukt med gutta-boys til Langeland for å rappellere. Eg, som er ganske hardt ramma av høgdeskrekk holdt seg under feltet for fotografering. Best slik...

Men gutane var tøffe og kom ned den ca 25 meter høge veggen...

Teknikken blei bedre for kvar tur!

På heimveg vart det stopp for ein liten stølstur. Rørstadstølen ligg fint til oppe i lia ved Viksdalsvatnet og har ein flott utsikt!

Utsikt mot Viksdalen.

Eit gammalt tre med mange hakkespetthol og store soppar.

Skogstroll!

og eit litt sånn Harry-Potter-aktig tre ;-)

Då håpar vi på fint haustferiever også, alt blir så mykje kjekkare då!

Litt nytt frå siste veka ;-)

2010-10-02T23:05:00.006+01:00

Denne veka har Sogn og Fjordane hatt eksotisk besøk frå Gambia i regi av 4H. Mesteparten av tida har dei budd på Tuftegarden 4H-gard i Viksdalen. Torsdag var dei tre 4H-klubbane i Viksdalen samla i og ved Gamma på Tuftegarden for sosialt samvær, det blei lært vekk norske leikar, vi fekk smake på Gambisk lapskaus (som eg ikkje hugsar navnet på i farten) og vi steikte lappar på bål. Ein skikkeleg triveleg kveld.

Her er det klart for leiking!

På heimefronten har dei to kattungane våre blitt større og villare. Her ser dei ganske troskyldige og avslappa ut, men dei er ikkje like fredelege heile tida...........

Det er grunnen til at duken er bretta oppatt på bordet i stova i kveld. Dei har nemleg komt i skade for å rive ned og ødelegge litt i løpet av dagen....

I kjellaren er det også aktivitet. Prosjekt "fiksing av siste golvet" er i gang. Det har i kveld starta med legging av membran. Denne skal holde vatn som måtte komme opp frå grunnen ute, og det kan jo vere greitt.

Etterkvart skal det leggast flis oppå her... Det skal bli bra! Det har seg nemleg slik at etterkvart som dei andre golva har blitt fiksa, blir jo dei attverande golva desto styggare. Ettersom det er det midterste rommet som no står att, kan ein jo ikkje unngå å sjå det heller, ein må liksom ferdast der til dagen, og dermed skal det bli nokså frydefullt å få det ferdig ;-).

På kjøkkenet har ein ny Basilikum fått plass i eit gammalt litermål. Eit lite gjenbruksstunt som eg kan like!

Dessuten har to nye nostalgiske emaljekoppar komt i hus. Dei står foreløpig midt på kjøkkenbordet, for dei er ganske koselege å sjå på ;-).

Dette hjørnet i gangen har nok blitt vist på bloggen før. Men i dag har det fått ein liten haustvri, med eit varmt og godt og svart lammeskinn på benken.

Ein samlar?......ja, litt....

2010-09-26T11:15:00.004+01:00

No er vi ikkje akkurat bortskjemde med loppemarked her i Sunnfjord.

Men gjennom eit år, dukkar det opp ulike skattar frå ulikt hold...Bruktbutikkar, opprydningar på loft og i kjellarar, bekjentskap osv. Etterkvart har er det blitt ei bra samling, og stadig meir ein er på utkikk etter som passar inn i det ein har frå før...

Ellers er det kjekt å ta vare på ting som syner utvikling og historie. Denne gamle prislista frå pensjonat-tida dukka opp i nokre papir og er ramma inn og komt på veggen. Tilsynelatande var det ingen upris akkurat ;-)

Eit gammalt medisinskap er fylt opp av "medisinting", gamle globoidøskjer, renset bomull, vitaplex, gasbind, eit hefte om skjønnhetspleie.

Eit gammalt vaskefat og ein såpekopp, med (ganske bra) matchande bosspann frå Kremmerhuset. Alle desse tinga er i "full drift" på badet, og det er jo det beste, når ting kan brukast!

Desse brunrosa glasskålene er det etterkvart blitt ein del av, har kakefat, stor skål, likørglas mm. Siste tilskudd var vel denne vesle med hank, funnen på loppemarked i Sverige i sommar.

Desse skålene til venstre var å finne på bruktbutikken i sommar, dei inngjekk vel ikkje akkurat i ein "serie" eg hadde frå før, men var for fine til å gå i frå likevel.... Så då har eg vel ein ny "serie" å samle på då.....

Denne blomsterpotta var å finne på drive-in-loppis i Sverige i sommar. Kjempefin!

Frå pensjonatet si storheitstid. Cola-brikke og tilhøyrande askebeger!

E brikke frå bruktbutikken i Sogndal, og ein kakeboks kjøpt frå Nostalgia. Perfekt match!

Litt lunare....

2010-09-22T21:24:00.002+01:00

Tv -stova har fått ny habitt igjen...

Etter å ha hatt lyse (kvite gardiner) gjennom sommaren, er det no på tide å lune det litt igjen.

Desse støvgrøne gardinene fekk æra av å friske opp kjøkkenet til sommaren, no er det "roa ned" att med lyst, gråblått, og gardinene har fått ny jobb. Framover skal dei nemleg lune det litt i tv-stova for hausten. Mesteparten av dei kvite putene fekk fyken, og vart erstatt med støvgrønne og litt andre lyse puter. Som vanleg er det ingenting som kjem til sin rett på bilda eg tar, men det er no eit forsøk....

Lappeteppet over den svarte sofaen får ligg ei stund til. Det ligg til og med skeivt til ære for blogglesarane ;-).

Bordet er ein gammal butikkdisk, funnen på loftet her, for mange år sidan. Vi fekk laga bein på den, og den har sidan fungert som bord. Det morsomme er at innholdet kan bytast etter humør og interiøret ellers. dermed fekk den litt grønt tema no, ettersom det vart grøne gardiner.

Må finne litt meir og putte inn i her, trur eg...

Bladet Gamle Hus og Hager har også fått plass her. Kjempebra blad, å anbefale for dei som likar det litt gammalt ;-). Mange gode råd mm. å hente her.

Stilaset står fortsatt godt på den siste veggen....

Forandring fryder, og dette var fort gjort! Noko som er meir tidkrevande er min idè om å male ei bokhylle, som dekkar ein heil vegg i dette rommet...Trur ikkje eg skal syne bilder av den med det første.

Det kjem seg....

2010-09-20T21:58:00.002+01:00

Etter lang venting og ein del masing, har vi omsider fått på plass riveløyvet på Storehuset som vi skal flytte. Etter at løyvet kom, måtte vi prioritere maling av huset. Og så kom regnet...Så den store innsatsen har vi ikkje fått starta med på flytteprosjektet, men vi er iallefall igang med merkinga. Og det er jo VIKTIG! Så vil hausten, nedbør eller ikkje nedbør og temperatur, ha ein viss påverknad på prosessen vidare. Håpet er å få demontert på denne sida av året....

Her ligg 3 stk pusekattar. Dei to minste nermar seg fire veker. Den store er storebror som passar på, og som vil vere med i det gode selskap. Har han funne ut at han har lyst å ligge i korga, så legg han seg der, enten det er plass eller ikkje. Snålingen!

Vi hadde eit mål om å få malt minst to veggar i sommar. Det har vi greidd, og nesten den tredje og....men så blei det stopp og slik har det stått utan at det har skjedd noko i halvanna veke. Det har faktisk ikkje vore opplett så lenge i strekk at det har vore mogleg å tørke opp såpass at mønet og hjørnborda kan få siste strøket. Utruleg irriterande. I kveld hadde det kanskje gått. Men kor er dei som torer seg opp på øverste avsats? Ikkje heime iallefall...

Må sei det har komt seg mykje. Vi har skifta frå raude til kvite vindskeier og hjørnebord. Slik var det opprinneleg malt, og slik er det blitt igjen. Syns det blei mykje koselegare å sjå til no ;-). Då er det "berre" vindauga igjen å få skifta. To-rams og tre-rams vindauge var det som var opprinneleg. På 70 og 80 talet vart mesteparten av desse skifta ut til husmorvindu. Tragisk. Huset mista ein del av seg sjølv og sin stil. Vi har skifta ein del av vindauga, men det står att mange. Planen er å ta det litt gradvis vidare. Må sei eg gledar meg til det er gjort. Spekulerer litt på dette store vindauga på nedsida av huset, som vart sett inn på 70-talet. Det tek seg ikkje særleg bra ut frå utsida, men inne i stova er det igrunn veldig fint med stort vindauga og utsikt mot elva. På ein måte syns eg det er litt for lite når det først skal vere stort. Så lurer faktisk på å sette inn eit som er endå litt større, og med oppdeling i same stil som dei andre vindauga, berre i større format.

På denne sida er til alt overmål eit par av vindauga punkterte også. Fysjom!

Alltid noko å ta tak i med gamle hus. Likevel, gamle hus er jo det kjekkaste som finst. Eg lyg ikkje når eg seier at eg ALDRI har ønska meg eit nytt hus. Gamle hus har vore ei av mine store interesser til stor fascinasjon, så slik må det berre vere.

Då satsar vi på litt opphaldsver, for det har vi behov for framover! God natt!

2010-09-11T21:33:00.006+01:00

No er hausthabitten på plass på kjøkkenet, iallefall er den begynt å ta form.

Kjøkkenet er vel det rommet som oftast får "gjennomgå".

Plutseleg ein dag står eg der, og kjenner det på meg, at no må det forandrast noko her.

Som oftast endar det då med skifting av gardiner, og flyttinga av saker og ting. Enten kjem det fram noko gammalt som byter plass, eller det blir kjøpt inn litt nye småsaker.

Denne gangen vart det ein kombinasjon. I sommar var vi innom An Angel by my Side på Halsa. Her var det mykje fint å sjå. Denne korga for eksempel....

Boksedilla kan eg kanskje ikkje påberope meg, -men det er sikkert ikkje så langt i fra.

Dei blå boksane var også å finne på kaien på Halsa...

Skulle nokon ha ærend forbi her, så er denne bua å anbefale.

Var innom ein del loppemarked i ferien også. Litt fangst blei det. Skulle ønske det var fleire loppemarked her i området. Nostalgia derimot har haugevis av loppemarked i Bergensområdet. Ho har heldigvis litt overskudd på handelen sin, og sel ut litt ymse i sin bloggbutikk. Dermed fekk eg desse gamle krukkene i eige. Foreløbig har dei havna i kjøkkenhylla, litt andre planer for dei på sikt.

Sidan det vart litt nostalgisk og gammaldags her i kjøkkenkroken, henta eg opp ei gammal brikke i tre frå Nostalgikjellaren min. Forandring fryder.

I dag kom regnet. Minst ein dag for tidleg. For vi hadde att minst ein halv vegg å male. Heldigvis var det vind frå "riktig" retning, så veggen var tørr, og vi fekk på malinga. Får håpe det blir eit lite opphold i morgon og, for det gjenstår litt som treng eit strøk til.

Ettersom eg ikkje har noko i høgda med malarkosten å gjere, blei det litt kjøkkenteneste. Brød, muffins og saft blei produsert.

No er det natt! Godnatt!

Haustlege syslar....

2010-09-09T22:35:00.005+01:00

Starten på september har vore suveren med tanke på veret. Sist helg var Ronja med fleire på topptur til Geitebotsfjellet, kommunetopp i Gaular. Ho hadde med seg kamera i sekken og har fotografert heimover til grenda. Hoffslåttene bada i sol ;-)

Om eg ikkje likar å plukke bær, så er det heldigvis nokon som gjer det. Koke saft likar eg betre.

Difor har det blitt plukka ein del rips, og kokt ein del saft. Sjølvberginga har med andre ord fortsett her på Flatheim.

Maling av eit høgt hus er i gang. Eg for min del har malt det eg rekk frå bakken, og der stoppar det. Eg er vanlegvis den som svingar malarkosten, men ikkje høgt oppe i lufta. Har heldigvis nokre i familien utan høgdeskrekk og, så malinga har gått sin gang, og det er store forbetringar. Skal vise bilete seinare...

Er ikkje så veldig begeistra for å plante lyng, det er liksom eit sikkert haustteikn... Men, når stemorsblomstrane som har stått her sidan tidleg mai har gitt tapt, så er det ingen veg utanom. Då er lyngen kjekk å ha, for på ein måte forlengar dei sesongen og....

Håpar på nokre dagar til med dette veret, for malinga er ikkje heilt fiks ferdig endå.

I helga skal sauene heim frå fjellet, så nokre vil vel sette pris på fint ver til det og. Ikkje for det, det er rikeleg med ruskeversprosjekt å ta av og...

Sjølvberging?

2010-08-19T07:42:00.005+01:00

Etter ei morgonrunde i hagen, fekk eg bekrefta at eg har altfor lite som blomstrar på seinsommaren. Det burde eg legge meg på minne, slik at eg kan gjere noko med det....

Men desse gule, som eg ikkje anar kva heiter, men som er gamle og gode, frå bestemor si tid, dei blomstrar og er eit friskt innslag.

Men litt anna er det å sjå, då...

Hønene er i full produksjon, også dei nye av året, så no kan vi ete egg kvar dag, og fleire gangar om dagen om vi vil ;-)

Ripssaft og andre ripssaker kan det også bli.

Berre so synd at eg ikkje liker å plukke dei. Syns det er utruleg kjedeleg å berre stå der og kun halde på med ein ting, som i tillegg går litt seint....Men, det pleier no å bli ei råd. Eg ser no at tida er inne for å starte opp innhøstinga.

Og så urtebedet som eg anla i fjor. Har lyst å bli flink med urter. Så no har eg iallefall bestilt meg ei urtebok....

Problemet er i år som i fjor, at kvar gang eg har sådd, så har hønene hatt seg ein tur på rømmen, ut i hagen. Og kva er vel meir freistande enn eit stort bed med mold og frø. O'lykke! - tenker dei og sparkar og kosar seg!

Og då er det jo kaos. For kva kjem opp og kor? Det er berre å vente å sjå. I år var det ikkje så mykje av frøsåinga som gav resultat, men dei andre urteplantane trivst jo godt, så i dag har eg vore ute og plukka blad frå nokre myntevekstar for å trekke meg te. Men eg la dei frå meg i hagen ein stad, så eg må nok ut og leite ;-)

Monarda

Krusmynte

Oregano

Ein annan type monarda?

Persille, ja...

Og hønene som et frukost!

No skal eg ut og leite etter te-blada mine (eller kanskje eg må plukke nye?)

Ha ein fin dag!

Turist i eiga bygd ;-)

2010-08-16T15:03:00.003+01:00

Skulestart! Som oftast einsbetydande med sol og varme. Og litt "aleinetid" for mor ;-).

I hagen stråla desse mot meg. Og dei er flotte!

Eg og naboen tok oss halvanna times ferietur i eiga bygd. Turmål Osebua.
Eine og aleine for å sitte på terassen og beundre blomsterprakten til Weree og kose oss.

Det blomstrar nok ei stund til, så heng i, denne terassen og bua er verdt eit besøk!

Imponerande!

Friske, iskalde jordbærdrinkar og vafler var det som passa oss best i dag.

Anbefaler Osebua!

På tur til ei nabobygd

2010-08-15T18:34:00.005+01:00

Det er eit spennande område vi bur i.

I dag blei det ein liten tur over fjellet til Sognefjorden og Balestrand.

Som oftast køyrer vi denne vegen av gammal vane, vi veit jo at det er fint og flott, men når det skal visast fram, då manglar vi som oftast bilder....

Så i dag tenkte eg litt lenger, og tok med kamera ;-)

Gjennom dalføret frå Gaularfjellet og nedover ligg Fossestien, ca 21 km lang.

Torsnesstølen er startpunktert øverst oppe.

I retning Torsnesstølen går vi også, om vi vil gå den gamle driftevegen gjennom Sværeskaret, som vi ser på bildet.

Det er kjekt å sjå sau i vegkanten. På Gaularfjellet er det endå sauer som beitar, heldigvis. Sjølv om det nok har minka på dei. Beitedyr er viktige for å halde kulturlandskapet i hevd.

Nesten der vegen ligg høgst på fjellet, kan vi sjå denne gamle, men flott restaurerte, steinbua. Takk til dei som held denne vedlike!

Når vegen bikkar nedover att mot Sogn, kjem vi til Utsikten.

Her kan vi skue utover hårnålssvingane. Vegen var bygd i 1938. Det er mykje flott vegbyggarkunst å observere her!

Litt moro var det å treffe vår gode nabo og veteranturistvert Ottar på Utsikten. Omtrent ute i same ærend som meg, med fotoapparatet ;-)

Langs vegen gjennom Esefjorden er desse å sjå no i august.

Fantastisk store blå Hortensia. Og mykje meir blå enn det som syner på bildet!

Kan legge til at dette er min favorittblomst!!

Har eit forsøk i hagen no, men den blomstrar ikkje endå....

Balestrand har mykje å by på på denne tid av året.

Sognefjord Akvarium. Her kan ein lett bruke ein del timar!

Det Gyldne Hus.

Galleri og kafè med triveleg vertskap og god atmosfære.

Gjestehavn, som etterkvart har vorte ganske innbydande.

Cooper-huset. Begynnelsen på Norsk Reiselivsmuseum....

Ei flott samling av Balestrand si historie, med litt nyheiter i vegen framfor. Kunstbygda Balestrand toler dette ;-)

Og ein av mine favorittar. Ekspressbåten. Det er eit yrande liv på kaien, nokon kjem og nokon reiser. Men det beste av alt......lyden av den ;-D

Og tru ikkje at eg har synt fram alt, Balestrand har myyykje meir å by på!!

Og det beste av alt, denne flotte bygda ligg under ein time frå Flatheim, på Nasjonal Turistveg, berre fryd og gammen heile vegen!!

Sommarproduksjon, sommarturistar og sommarstæsj

2010-07-15T22:43:00.008+01:00

I sommar har vi opna oppatt ein flik av det gamle pensjonatet og prøver oss som turistvertar att. Kjekt det! Litt folk har vi hatt innom. Spennande å sjå kven som ferierer på denne måten, berre stoppar når dei ser eit skilt i vegkanten. Har ofte eit inntrykk av at alle er så organiserte no til dags, alt skal vere "tima" og tilrettelagt på førehand....

Vel, iallefall, vi prøver dette i år. I vegkanten står det eit ordinært "Rom"-skilt, men på trappa har eg i tillegg laga nokre skilt av rekved frå Solund. Det er ei utfordring å halde tunet og trappa ryddig og pent, slik at det er innbydande for turistar å stoppe, når ein har eit lass med ungar som har skulefri og mange slags prosjekt i løpet av ein dag. I tillegg til at vi andre også kan styre med ymse igjennom ein dag.

Vart freista til å handle litt hos Hilde Heimdal for nokre dagar sidan. I dag kom det pakke. Litt koselege overraskingar var også med i pakken. Tusen takk. Nokre veggord var bestilt, og nokre kom i bonus. Dette har fått plass på innsida av ytterdøra. Vart no litt koseleg, syns eg. Skal syne meir av stæsjet frå den pakken ein annan dag...

Det har vore eit svært blanda ver denne veka. Så mandagskvelden drog eg fram symaskin og stoff som har vore klar lenge. Og som vanleg når maskina er framme, så begrensar eg meg ikkje. Plutseleg hadde eg produsert fire kjolar. I dag hadde eg tenkt å ha fotoseanse i hagen. Men med torden, storm, flobyger, sol og skodde, så vart det kveld før eg fekk gjort det. Lyset var då heller dårleg for fotografering, så fargane kjem ikkje til sin rett.

Ein liten jentekjole til Ronja Røverdatter. Ho syns først den var litt rar, og ville helst ha fotsid, men når kappa kom på, så vart kjolen akseptert!

Ein voksenkjole i turkis velour med englebilde frå Barbro.

Ein voksenkjole i svart og lys blå velour med hjerteapplikasjoner.

Og så ein kjole til mor som matchar Ronja sin, det blir litt morsomt å sprade rundt i ;-)!

I morgon er det siste vakt på jobb, så er det fire veker ferie. Dei kjem til å gå altfor fort, men det er jo vanleg med sommaren, den går unna!

Basecamp

2010-07-02T21:38:00.003+01:00

Denne veka har 44 ungdommar boltra seg her på Hoffslåttene. Vi er nemleg vertskap for Basecamp Fosseheimen, som blir arrangert i regi av Sogn og Fjordane Turlag. Media har vore på besøk kvar dag. Først NRK, neste dag lokalavisa "Firda" og i dag NRK igjen. I kveld har det vore vist opptak i programmet "Norge i dag", det kan du sjå her.

Utsikten frå camp-område.

På veg på tur!

Campen.

Her er det også mogeleg å telte for ein rimeleg penge (når Basecampen er ferdig vel og merke, og det er i morgon, laurdag). Her er det koseleg utedo, gapahuk, badeplass og fiskeplassar. Her er kun få minutt å gå til Fossestien, som er ein godt tilrettelagt vandresti langs det verna Gaularvassdraget. Stien er 21 km lang, men du kan velge å gå etappar av dette om det er meir passeleg.

Skulle du farte over Gaularfjellet og har lyst å ta ein stopp i området, kvifor ikkje ei natt eller to i telt, og verkeleg nyte naturen her.

Ha ei god helg!

Midtsommar

2010-06-25T23:34:00.005+01:00

Midtsommar, og sjølvplukka blomster får pryde trappa. Berre so synd det kom regn i dag, slik at vi ikkje får vere ute og beundre dei, men berre springe forbi i full fart....

Jonsokfeiring har vi hatt. I gapahuken samla vi naboar, vener og kjende, små og store til jonsokfeiring. Det var grilling, prating, synging, leiking og kosing.

Midtsommarkransen er på plass!

Etterpå avslutta vi kvelden med å tenne det STORE bålet. Godt å varme seg på når kvelden blei kjøligare, og god stemning.

Lappesteiking i stor stil.

No ventar vi på meir sol og varme, slik at vi får fleire sommarkveldar ute i grøne Viksdalen.

I morgon er det ny midtsommarfest hos vener på Tuftegarden 4h gard, som skal innvie den nye gamma si. Og då skal vi ha sol!

Eit lite livsteikn!

2010-06-14T17:40:00.002+01:00

Vår næraste nabo er det mektige Gaulavassdraget. Dette er utsikten frå stovevindauge mitt.

Det er spennande å sjå på skiftingane i elva gjennom året, flaum, tørke, is osv osv..Aldri det same.

Det er grønt og frodig i dalføra der Gaula renn igjennom! Spesielt grønt no!

I hagen er det begynt å bli frodig og. Alt kjem seint i år, men det kjem...

Rabarbraen er snart klar for å bli suppe, saft og pai!

For eit par veker sidan var eg med som turleiar for Opptur i Gaular. Flotte ungdommar i flott lanskap!

Har eigentleg ikkje tid til å blogge nett no, så det får bli med dette så lenge ;-)

Eit snev av sommar..

2010-05-27T17:25:00.004+01:00

Dei siste dagane kan vi vel sei at vi har kjent eit snev av sommar...

Ikkje fordi temperaturane har bekrefta det, men sola har iallefall synt seg innimellom.

Og..det blomstrar og gror.

Og..det går an og ta seg fram i terrenget. Altså fjellturar og slikt...

Her på Flatheim har vi planta i krukker og kar. Litt etter litt, til tross for at vær og temperaturar ikkje har vore så veldig plantevenleg.

Stemor toler "mykje" kulde. Difor startar vi med den. Dessuten er det ein av favorittane. Så den har fått plass både her og der.

Primula i ulike variantar imponerer stadig. Dei livnar nemleg veldig fort til, og blir skikkelege fargeklattar.

I kveld sat eg ved kjøkkenbordet med pc'en og las Solveig sitt nye innlegg (Solbergets mange prosjekt). Ho nemnde noko om plantar på terassen... Då, brått med eitt, hadde eg ribba kjøkkenet for Pelargonium, og etter 10 minutt var dei i krukker på terassen. Så no kan dei samle energi og bli frodige og flotte! (For det hadde nok blitt i meste laget med kjøkken på dei, før dei slapp fri ;-))

I ribba vinduskarmar fekk eg plassert ei gammal kanne med desse rosa snuppene oppi.

Ellers er konfirmasjonar og slikt gode deadlines for ymse prosjekt. I haust skifta vi dør, og trappa som var der frå før, kun eit lite betongtrinn, hadde vore ynkeleg lenge. Høgt og lite, og verre vart det med ny dør, så ei ny trapp blei pressa inn som eit prosjekt med deadline konfirmasjon. Godt ka so e gjort!

Og litt plass til stæsj og fjas er det jo også, og det er jo fint!

Når det gjeld bevegelse i terrenget, er det "på veg inn for fullt". I kveld gjekk turen til Grautasteinane og ny trimpost der.

Turmålet i seg sjølv er ikkje særleg spennande, bratt og steinete, men utsikten er meir interessant! Ei flott oversikt over grenda, og fjell og finnar.

Akkurat ein passeleg liten dagleg trimtur. Dagleg er optimisten som seier, men det er eit mål, og mål må ein ha ;-)

Bursdag og konfirmasjon

2010-05-26T00:15:00.005+01:00

I helga har vi hatt både bursdag og konfirmasjon. Adrian vart 15 år på lørdag og vart konfirmert på søndag. Litt travelt å få plass til bursdagsfeiringa. Men vi tok den enkle variant med pølsegrilling og platekake i gapahuken. Då slapp vi å ruske i huset, der borda var ferdig dekka og stovene okkuperte av langbord.

Her er konfirmanten plassert i postkassemelkerampbusskuret vårt.

11 flotte ungdommar vart konfirmerte i bygda i år. Kyrkja var stappfull og vel så det. Ikkje alle fekk sitteplassar.

Har gjort forsøk på å fotografere borda, og bordpynten.

I gangen står eit melkespann med roser. Koseleg ;-)

Forsøk på å fotografere heile selskapet. Ca 70 stk når kaffigjestane hadde gjort sin entrè.

Og eit forsøk på å samle heile familien i linsa på ein gang. Håpar nokon har fått knipsa dette med eit bedre kamera....

Lenge sidan sist!

2010-05-19T23:23:00.002+01:00

Lenge sidan det har blitt blogga frå denne kanten. Det har faktisk mest med det å gjere at eg aldri finn kamera! Men no endeleg fann eg det, og det låg til og med eit par-tre knips innpå som eg kunne blogge.

For eit par veker sidan var eg i Balestrand, og der, -på ein bruktbutikk, fann eg jammen ein kopp i same mønster som muggen og skålene eg har frå før. Det er faktisk MORSOMT med slike funn! -men reknar med det tek si tid før eg kan dekke kaffibord til 12 ;-).

I tillegg er det nyheter i loftstova. Ei venninne som malar hadde laga eit morsomt sauebilde. Og jammen fekk eg overta det, so heldig! Passar jo perfekt til sofaen her oppe. Eg må berre produsere litt av mine produkt til gjengjeld. Litt er gjort, og ein del gjenstår. Kjekt når ein kan bytte varer som i gamle dagar!

To bittesmå søte flasker funne på bruktbutikken passar fint i dei smale vinduskarmane mine.
Siste tida har eg hatt litt dilla på rosa blomster av ulik art. Reknar med at til helga må desse byttast med andre fargar. Er nemleg i tvil om at husets konfirmant syns rosa er det mest passande på hans store dag.

Blir spennande, men litt ymse som skal fiksast innan den tid. Så ha det bra!

Hummar og Kanari

2010-04-13T21:41:00.006+01:00

Det før omtalte skirennet gjekk av stabelen på skjærtorsdag i år som alle andre år.

Vi fekk ikkje arrangere det hos oss som vi pleier. Det var for lite snø, så vi måtte til topps på Gaularfjellet.

Den gamle brøytestasjonen var base, og ting gjekk sin gang.

Trur det vart ny deltakarrekord i år, med nesten 200 påmelde. Ikkje nett alle gjennomførde, men det var bra likevel ;-)!

Rennets yngste, med nesten fotsidt startnummer. Ikkje to år endå...

Tidlig krøkes....

Premiane oppstilt og klare til utdeling.

Vaffelsteikarane er på plass. Sjølv om det bleir meir tungvint i år enn ellers så må vaflene vere med!

Etter påske-tid, er det tid for besøk i geitefjøsen.

Her i bygda har vi fleire bønder som opnar gardane sine for publikum. Ein av desse er geitebøndene på Øvre Bell. Barnas Turlag har hatt dette på programmet i fleire år, og det er svært populært.

Vi fekk sjå geitene bli melka.

Ein av geitebukkane smiler til fotografen.

Kjempespennande å følge med på fjøsstellet.

Og endå meir spennande å få helse på alle geitekillingane i "geitebarnehagen".

Takk for at vi fekk komme!

I helga fekk vi kjenne varme solstrålar, og for min del er det lenge sidan eg har kjent på dei. Jøyemeg kor behageleg det er!!

Det enda med at vi drog fram grillen og pølser og tok ei lita grilløkt på altanen. Det gjer godt å kjenne at våren er her!!

I helga hadde eg også bursdag. Med null i enden....

Eg er veldig glad i blomster, og må ha dette rundt meg i huset. Det blei litt påfyll av dette, blant anna denne kvite orkidèen. Skikkeleg søt var den. I bakgrunnen kan det også skimtast ei nytt saueskinn. Det har eg ønska meg lenge. Jammen dukka det opp!

Roser fekk eg av meg sjølv!

Ein kjempefin bukett frå to fadderbarn med familiar.

-og masse andre fine gaver fekk eg. Og besøk i lange baner, med mykje lått og løye.

Heldiggrisen!

Og ikkje nok med det! I hagen starta krokusane for fullt i helga! Eg fekk raka og rydda litt også. Og eg har dradd fram spaden, og starta på eit par utvidingar av blomsterbed, det går seint med ein dårleg rygg, men litt no og litt då, så blir det vel ferdig til slutt...

Eg er eit VÅR-menneske!

I morgon er det 14. april, då brukar ofte måsane å komme hit. Gledar meg til å vakne til måseskrik. Blir spennande å sjå om dei kjem i morgon...

Lys ute og lyst inne og eit par ferdigstilte UFO'ar

2010-03-21T14:38:00.004+01:00

I går kveld vart lyset tent i skibakken vår for første gang. Eg kunne nesten klare meg utan lys på inne i stova. Ungane heiv på seg skia og la avgårde bort i bakken for å prøve.

Eg måtte sjølvsagt prøve å få det på eit foto, ikkje særleg vellukka, men ser jo at det har noko med lys å gjere ;-)

I går var også dagen for ferdigstilling av uferdige objekt (UFO'ar), for no skal symaskina ryddast vekk frå spisebordet, og andre førebuingar skal starte. Neste veke skal vi ha skirenn her, om snøen held. Dessutan har eg ei fordjupningsoppgåve som ligg å ropar på nye velformulerte setningar. Og eit par selskap nærmar seg også så smått. Puta over vart laga av eit øydelagt putetrekk med eit fint broderi på som fortente eit nytt liv.

Eit gult, påske og sol-inspirert krabbeteppe har vore påbegynt nokre veker. Det er skikkeleg irriterande å ha slikt liggande, så det var berre å kaste seg over det.

Hadde også laga eit strykemerke med sauer og lam på, som passar godt no framover våren her på Flatheim. Dette vart ei pute i full fart.

Hamskifte fortset. Under opprydding av spisestova fekk dei mørke gardinene fyken der og. Nye kvite gardiner, kvite roser, og litt omflytting på stæsj og anna, -og vips stova har fått eit nytt uttrykk. No kan våren komme, dvs neste fredag, etter at skirennet er ferdig ;-).

Slik så det ut her før vårhabitten kom inn.

Fra vinter til vår

2010-03-19T19:59:00.006+01:00

Det er på tide med hamskifte på Flatheim.

Dette brukar å skje kvar vår rundt påsketider.

Først ut er tv-stova.

På vinteren brukar vi nemleg ofte å "lune" det litt med litt mørkare fargar på gardiner og tilbehør.

Men når våren og lyset kjem, blir det heilt feil. Og trangen kjem dessutan til oppfriskning.

Slik har det sett ut i vinter.

Og slik ser det ut no, gardiner, puter og pledd har fått fyken. Og fram frå skap og andre lure plassar har det blitt henta fram lys habitt. Eigntleg hadde eg tenkt å sy eit nytt "lappepledd" for anledningen. Inntil vidare har eg funne fram eit som var ferdigsydd, så får vi prøve med det litt. Det tar nemleg meir enn 5 minutt å sy eit nytt....

Dei sjølvlysande kvite bollande på bordet har eg sydd av strimler, dette måtte eg prøve etter at eg fekk ideen på bloggen Jannes Hobbykrok, ho svisjar rett som det er saman slike bollar på eit lite blunk. Og det såg jo litt artig ut, då..

Eg ser at eit skikkeleg kamera hadde vore heilt på sin plass. Ingenting kjem heilt til sin rett med det utstyret som eg innehar for tida, men, men...

Påskeliljene har tjuvstarta litt her... Nye må nok inn når påska slår til for fullt.

Og eit lite bruktfunn til slutt. Eit litermål av den gamle gode sorten.

No å finne med ein eføy godt planta oppi ;-).

God helg!

Award og tankar om snø og påske

2010-03-05T09:39:00.010+01:00

For nokre dagar sidan fekk eg ein koseleg award frå Hobbyrommet. Dette er ei kreativ dame som prøver seg på litt av kvart, syr, heklar, strikkar, scrappar, lagar lamper, pussar opp og styrer på. Mykje spennande som skjer hos ho!

Eg vil gjerne bringe awarden vidare til Margrethes hus og hage, Snillpike og Lisje Astrid's Husblogg. Koselege bloggar alt ihop!

I natt har vi fått litt meir snø her hos oss. Og eg er faktisk glad for det. Vi har hatt rekordlite snø her på fjellet i år. Skjærtorsdag bruker vi å ha eit av Sunnfjords største og mest tradisjonsrike skirenn, der huset og tunet vårt blir brukt som base. Dette er veldig kjekt, og eg håpar snøen kan ligge til Langfredag iallefall, då kan den berre forsvinne. Faktisk har det skjedd før, vi har hatt snø slik at vi akkurat såvidt har greidd og avvikle skirenn og dagen etter er den borte vekk. Men det er jo heilt greitt!

Det er stor aktivitet. Frå kjøkkenglaset blir det delt ut varm buljong og saft til alle deltakarane. Det blir steikt vaflar for sal. I Kiosken er det sal av pølser og brus. Vi brukar å ha ca 160-170 deltakarar. Alle med røter i bygda kjem heim med sine håpefulle for å delta i moroa. Heilt frå dei såvidt kan stå på skia er dei med. Ofte blir dei leidde rundt heile løypa.

Ikkje berre dei små er med. Ein del avsluttar karrieren sin etter nokre år, men andre held ut inn i evigheita. (Eg er ein av dei ;-)) Nokre konkurrere hardt, andre tek det som årets skitur (Eg er ein av dei ;-)) Og dei som ikkje startar, er med som heiagjeng. For dette er årets treffpunkt. Påskegjester, bygdefolk og folk frå nabobygd og by vil gjerne vere med på denne folkefesten.

Er det rart eg vil ha litt meir snø??

Bilda er frå 2009.

No er det tid for ein aldri så liten shining her i huset, og kanskje litt sying?
Får sjå kor langt eg kjem...

Likholefossen

2010-03-02T18:03:00.003+01:00

Vi bur langs den framtidige Nasjonale Turistveg over Gaularfjellet. Fossane er blant hovudattraksjonane langs denne vegen. Over den ein fossen, Likholefossen, har turistvegprosjektet bygd ei spennande bru. Den er spennande i seg sjølv med sin unike arkitektur. Den er også spennande på grunn av at den går heilt utpå kanten av fossen. Når elva er å sitt største er det fascinerande å stå og sjå på vatnet som rasar under brua og utfor. Det er enorme krefter i sving. På bildet over er det vinter og svært lite vatn, mest snø og is.

Dette syns eg er ein spennande fotovinkel på brua.

På kveldstur.

Brua er også ein av innfallsportane til den 21 km, godt tilrettelagde og merka Fossestien som går langs elva. Det er fint å velge seg ut etappar på denne, gå oppover eller nedover alt etter smak og behag. Går vi oppover går vi alle dei mektige fossane i møte. Dei som ikkje har vore her, anbefalast eit besøk både på brua og Fossestien!

Bruktkjøp

2010-02-25T13:48:00.003+01:00

Eg har ein nostalgi-kjellar. Så lenge eg kan hugse har eg samla på og tatt vare på gamle ting. I kjellaren har vi eit heilt rom som er fyllt med dette. Frå ulike epokar, med ulik historie. Her kan ein nok bruke mange timar om ein skal oppdage alle ting... Ein del av det eg får tak i havnar her, andre ting glir inn i interiøret ellers i huset.

Ei blanding av mykje. Bruksgjenstandar, pynteting, bøker, møblar, redskap osv osv

I sommar var eg på brukthandel i ein låve som skulle rivast. Der fekk eg kjøpe denne flotte, gamle kista. -Og eindå nokre fleire kister...

denne korga eller tine eller kva eg skal kalle det, er fyllt med handarbeidsutstyr. Ikkje alt har eg funne ut av kva er endå...

Desse flotte boksane fekk eg kjøpe hos ei som hadde opprydding i eit hus som skulle rivast.

Veldig fornøgd med dei!

På låvehandelen min fekk eg også kjøpe fleire gamle tønner, dette er ei av dei. Tønneproduksjon var ei sterk næring i Dalsfjordområde i "gamle dagar". Difor syns eg det er kjekt å ta vare på desse. Dei skal nok etterkvart presenterast i ein litt anna "setting".

Eg er og veldig fornøgd når eg finn deler til dei gamle servica mine. Dette er eit av dei. Desse fann eg på bruktbutikken i sommar.

Dette vart ein presentasjon av litt av bruktfunna mine. Kunne nok ha holdt på nokre veker med det... men får ta det att ;-)

Forandring fryder

2010-02-22T22:16:00.003+01:00

For nokre dagar sidan var det på tide med litt forandring i gangen. Ikkje alltid så mykje som skal til. Berre å flytte noko frå ein plass til ein annan, så er det så godt som nytt alt ihop ;-).

Her i huset er det nesten alltid blomster å finne. Spesielt på denne tida av året. Når alt er kvitt ute, får vi la det blomstre litt inne. Denne gangen var det nokre rosalilla krysantemum som fekk æra av å pryde ei stund. Eg måtte då dra fram nokre telysholdarar i same farge, og pynten som eg vann hos Lykkeliten før jul, passa perfekt. Den er å finne på lyset på veggen.

No har eg ein liten plan om at eg skal ta meg ei runde i huset og vurdere kva som er mine beste bruktfunn. Ei utfordring frå Nostaliga. Enn så lenge får den bilda frå gangen vere på topp i bloggen min.

Skap med sjel

2010-02-20T14:49:00.007+01:00

No er det kanskje ein del som veit at eg er veldig begeistra for gamle ting.

I huset er det difor møblert med mykje gammalt. Gamle skap, skrivebord, skjenkar og andre saker og ting.

Tenkte eg skulle vise noko av dette her på bloggen.

Dette er ein gammal spegelkommode. Den befinn seg på soverommet. Utruleg at den kom opp hit igrunn. Vi hadde ca 1 cm å gå på gjennom flaskehalsen i siste loftstrappa opp til 3. etasje. Den blir nok ståande her ei stund...

I ein stova har vi ein gammal skjenk. På eine sida har den spor av flytting, nemleg ein del striper og malingsflekkar. Den har nok vore flytta litt rundt i huset gjennom tidene. Opp og ned trapper, ut og inn dører. Men no har den fått fred her i stova i mange år, berre vore flytta frå ein vegg til ein anna. Strippene på sida ber jo preg av levd liv, så det har sin sjarm. Vi får vel litt striper både her og der, nokon kvar, opp gjennom livet..

Dette skåpet har og vore flytta rundt i tidlegare tider. Har vore matskap i ei leilighet i Bergen
blandt anna. Og ei stund trur eg bestemor mi hadde samla alle dei gamle skåpa på soverommet sitt (og det var ikkje særleg stort). Ikkje forstår eg korleis ho fekk plass til dei. Men ho var ein kløpper med målbandet, og var svært løysingsorientert, hehe

Dette har eg vist før. Eit flott skrivebord. Hadde opprinneleg bilder av
kong Olav i ei rute og fruen i den andre. Desse bilda har fått seg ein pause, og ligg no trygt forvart i skuffa i staden.

Bokskap frå min farfar sin barndomsheim. Det har blitt meg fortalt at dette hang ved "høgsetet" ved spisebordet, og inneheld viktige bøker og papir. Farfaren min har forøvrig laga fleire av desse gamle skåpa.

Dette syns eg er flott.
Her laga bestemor ofte juledekorasjon inni , med stall og nissar og alt som høyrde til. Eit heilt landskap. Spennande å sjå på for oss som var små.

Skapet under har vi tatt vare på i ein oppryddingsaksjon. Det heng for tida på kjøkkenet, med Greengate-samlinga mi inni.

På soverommet har eg også denne minikommoden. Den har eg hatt omtrent så lenge eg kan hugse. Har arva den frå mi tante som igjen hadde fått den frå sin onkel (bror til farfar)

Ein vaskekommode som også stammar frå ein oppryddingsaksjon. Den står på gjesterommet for tida. Med eit flott vaskestell som er arva frå Nordmøre.

Eg likar at tinga rundt meg har ei historie. Eg er ikkje særleg begeistra for nye møblar, det blir i såfall eit "nødvendig onde" og innkjøpa må tilpassast det gamle som er der frå før. Då likar eg igrunn betre å male noko som er sånn halvvegs utrangert og utan særleg sjel. Å gje slike ting eit nytt liv er ikkje så verst det heller.

(Kan ellers nevne at eg for tida ikkje innehar verdens beste bloggefotoapparat, eg har heller ikkje særleg tolmodigheit til å jobbe med dei foto eg har tatt. Det blir difor lagt ut som det er, uten redigering og anna fjas. Kanskje kjem det bedre tider når det gjeld dette? -men det er slett ikkje sikkert ;-))

Eit par happeningar

2010-02-13T09:32:00.006+01:00

Kom deg ut!

Sist helg arrangerte vi, Barnas Turlag Fosseheimen Gaular, Kom deg ut-dag her på Hoffslåttene. 79 små og store ville vere med å prise vinteren og snøen.
Vi har veldig lite snø her i år, men nok til å ake, gå litt på ski og ikkje minst grille ;-).

Det var kaldt, men sola er komt, og den varma godt den tida den var framme.

Alle ungane fekk drikkekoppar frå DNT. Og dei som ville fekk til og med varme blåbær med vaniljesaus eller varm solbærsasft i koppane.

London

Har også hatt ein liten svipp til London på studietur i forbindelse med videreutdanninga eg held på med.

Ein tur på Oxford Street stod også på programmet.

Mi "evige studieveninne" har også fått tak i litt posegodt.

Eg blei imponert over størrelsen på parkane i byen. Veldig flott at det er holdt av så mykje grøntareal. Neste gang eg skal tilbake til London vil eg reise når parkane er grøne. I Hyde Park treffte vi på mange koselege ekorn. Sjølv om vi hadde det travelt på veg til ein avtale, MÅTTE vi berre helse på desse. Vi er jo vant til masse dyr rundt hushjørna her heime, men ekorn som kom omtrent opp i fanget var litt eksotisk for oss ;-)

Eg måtte berre posere litt for å vise størrelsen på trea...

Eit besøk på ein Jamie Oliver sin restaurant stod også på programmet. Han plukkar ungdom inn frå gata og lærer dei opp i restaurantfag. Demed fekk vi eit restaurantbesøk med fagleg innhald.
Ellers kan eg nevne at det er kjekt å reise ut for å oppdage kva kvalitetar ein har heime... Kan nevne fleire lokale severingstader med kortreist mat som går denne restauranten ein HØG GANG! Juhuu!

2010-02-06T15:56:00.003+01:00

Treng eit ørlite grann meir inspirasjon

Har fått påfyll i stofflageret. Mykje retro og anna spennande. Mange mogelegheiter.

Symaskina har vore lite i drift dei siste vekene.

Treng eit ørlite grann meir inspirasjon.

Har ein anelse om at her er mogelegheiter for mange spanande kreasjonar.

Vanlegvis brukar det å boble over.

Det brusar litt, men ...

Gledar meg til det boblar!

Dette er spanande!

Eit utslite putetrekk med fint broderi har også potensiale...

Ha ei fortsatt god helg!

2010-01-29T18:20:00.005+01:00

Sol

Det går mot midtsommar.

I dag kom sola inn i stova til meg.

Eg har i fleire månader levd på små te-lys-soler.

Endeleg kjem den store sola, og den har forhåpentleg med seg mykje energi!

Her skin sola på den gamle rokken.

På døra i spisestova.

ikkje så mykje vi ser av den over fjellet, men det blir meir!

Den kjem nesten ned til huset, eit lite stykke att på bøen, så er den her.

Naboane badar i sol.

Med sola, kjem sommaren, og her er planlegginga i gang av årets Fosserock. Dette er utruleg spennande. Nesten litt for nervepirrande av og til.... Kven bør vi velge? Kven kan vi få? Kva er lurt? Kortid kan vi få kven? Mange spørsmål, telefonar og meldingar og tankeverksemd. Det er januar, men på høg tid å starte booking og planlegging.

Bildet over er frå 2008, ca 1000 mennesker var til stades og fekk ei flott musikkoppleving med ei unik ramme av fantastisk natur.

God helg til alle!

Award og kveldsbilder

2010-01-18T00:25:00.007+01:00

Frå Ann Helen med bloggen Snillpike har eg i dag fått award. Hjelpemeg, eg som ikkje har fått ut eit einaste nytt innlegg på bloggen på snart ei par veker...Men takk, takk, veldig koseleg!

Og då er det vel mi oppgave å gje den vidare til nokon. Hmm...

Denne går vidare til.....

Solbergets mange prosjekter

Hobbyrommet

Miras hjørne

Eg er alltid ute på feil tidspunkt når det gjeld fotograferinga mi. Å begynne å fotografere om kvelden, med blitz blir ikkje særleg vellukka når ein skal få fram litt stemning og ekte fargar. Det skjer med meg gang etter gang. Eg prøver med blitz og uten blitz og alt blir igrunn like dårleg. Her må eg skjerpe meg!

Men eg viser litt av dei mislukka bilda likevel.

Her i gangen starta vi på eit prosjekt for ei stund sidan, med å gjere om garderobeløysinga. Vi stengde att ei dør, og laga garderobe på heile veggen, med hyller bak døra, der det vart for liten plass til garderobe. Det er fortsatt litt småplukk att, litt lister, litt maling og litt ledningar som må fiksast. Men det kjem seg.

I gangen heng favorittlampa mi. Denne syns eg er fantastisk flott. Eigentleg så heng den litt utsett til der. Ting skal berast ut og inn og ymse andre aktivitetar gjer at den har fått svinga seg rett som det er. Eg har lurt på om den burde vore flytta, men har komme fram til at den høyrer til der, og berre må få leve livet sitt der, så lenge det varer. Og det har gått bra hittil, den har overlevd mange tiår.

I eine stova har vi plassert dette skrivebordet.
Det er arvegods og veldig flott, fekk lyst til å vise det fram i kveld ;-).

Denne veka har 3 av familiens medlemmer feira bursdag. Først pappaen den 13. og så to elleveåringar den 14. Så då er vi igang. Neste bursdag blir i mars, så april, så mai, og så pause i juni og ny feiring i juli.

Under viser litt av menyen. Eit eksperiment av året, var å servere bønnegryte. Dette har blitt ein favoritt her i huset. Men mange ungar er veldig kresne, og det var spanande å sjå kor mange som torde prøve seg på gryta...Cirka halvparten trur eg smakte den. Resten åt pølse med brød, som vi hadde "seifa" med denne gangen. I glasa er det gele i ulike fargar. Det er alltid ein suksess.

I barneselskap bruker vi alltid å dekke opp i nostalgi-kjellaren. Her er rikeleg med bord, og god plass til alle.

Som vanleg i mine blogginnlegg er eg innom litt forskjellige tema. Bildet under viser at eg er intet unntak i bloggverden, eg held på med hekleprosjekt i oldemorsruter! (er det ikkje det det heiter?) Forskjellen er vel kanskje den at eg held på med det same prosjektet i årevis, medan andre berre held på nokre veker.... No har eg plukka det fram atter ein gang, skal tru kor langt eg kjem no...?

Eg har også eit bruktfunn og vise. Desse to lysestakane er blandt dei siste på bruktfunnfronten min. 5 kr pr stk på gjenbruksbutikken kvalifiserte til eit nytt liv i vindaugskarmen min.

Nattbloggaren er no begynt å kvikne til etter eit døgn med omgangssykje, men bør vel likevel finne senga snart. Ha ei god natt! Neste gang skal eg gjere eit forsøk på å blogge med klare bilder tatt i dagslys ;-).......................trur eg...

Kaldt, men våren kjem snart!

2010-01-07T19:34:00.005+01:00

13, 5 minusgrader ute er slett ikkje så ille samanlikna med mange andre stader for tida. lenger nede i dalen viser gradestokken -20. Likevel, for meg er det aaaaltfor kaldt! Og huset her som har dårleg og lite isolasjon og mange dårlege vindauge, faktisk fleire enkle vindauge er travelt å halde varmt. Med litt trekk/vind er det iskaldt på austsida i huset.

Huset her hadde 11 ovnar når vi flytta inn. Vi har gjort ein del utbetringar med vindauge og isolasjon, men det står myyykje att. Vi har fjerna ein god del ovnar, og sit no att med 4. 3 av ovnane er i full drift i dag. Den 4. skulle eg veldig gjerne hatt i drift. Men som bildet visar, så er det eit stykke frå ovnen til pipa. Manglar nemlig eit rør her. Etter at golvet vart skifta, vart den gamle ovnen som var sprukken bytta ut med ein ovn som stod i stova i 1. etg. Den treng nok litt puss og sverte, så er den god som gull!

Telys varmar. I dag har eg sikkert brent nærare 50 telys. Dessutan er det koseleg med telys. For eit vår og sommarmenneske er det faktisk heilt nødvendig med telys for å komme gjennom vinteren.

For å overbevise meg sjølv om at det går mot vår, no når vinterens høgdepunkt, jula er over. Må eg ha vårlege blomster og fargar i hus.

Tulipanar gjer susen no i desse kaldaste og mørkaste månadane. Heldigvis er dei billige og ;-)

Primula er obligatorisk på første handlerunde etter at juletreet har fått fyken.

Til slutt vil eg vise mitt siste kjøp på gjenbruksbutikken. Usikker på kor gammalt dette er, men sikkert frå 60-talet...Er det nokon som veit det?

Dette fatet fekk eg ein gang nokon hadde opprydding, og skulle kvitte seg med saker og ting. Bestemor hadde eit slikt ein gang, berre i større utgave, og eg syns difor det var koseleg å få tak i dette... Det har difor havna i Nostalgi-kjellaren min. Eg har vore innom gjenbruksbutikken fleire gangar, og sett på denne lysestaken. Dei første gangane kobla eg ikkje. Men så begynte eg å lure på om det var same mønster og fargar som fatet eg hadde heime... Og det var det! Kan godt sei eg var godt fornøgd når den fortsatt stod der med pris kr 20,-. Artig!

Same dag som denne handelen gjekk av stabelen, stakk eg innom Antikkbutikken i Førde. -Og der hadde dei eit slikt fat, og prisen .......350,-. Jøyemeg tenkte eg, og var endå meir fornøgd med å ha fått tak i denne lysestaken! (på bildet ser det ikkje ut som det er heilt same fargar, men det er det i verkelegheita)

Juhu, der var det!

2010-01-02T19:00:00.003+01:00

Endeleg dukka det opp! Dette gamle broderiet leita eg etter for ei stund sidan. Det var ikkje mogeleg å oppdrive. Plutseleg ein dag dukka det opp likevel, når eg slett ikkje leita etter det. Bravo!

Dette har eg hatt i eige så lenge eg kan hugsa, har jo alltid vore ein samlar når det gjeld gamle, fine ting, så eg har nok takka ja til det ein gang, når nokon har hatt opprydding i sakene sine.

No skal det i glas og ramme. Lurer på om eg kanskje har ei gammal ramme ein stad som eg har teke vare på. Skal snart ned i kjellaren og sjå. Etterkvart skal det nok få sin plass, kanskje på kjøkkenveggen? Fortsettelse følger i denne saken......

Ha ein fin kveld alle som ser innom her! Og ikkje minst, -godt nyttår!

Nybakt!

2009-12-30T19:38:00.003+01:00

Eg brukar alltid å bake litt ymse gjærbakst før jul. I år blei det heller dårleg med det....

Men, i dag har eg iallefall sikra at de vart gjærbakst før nyttår!

Manna meg opp til ein bolledeig, men brått hadde det blitt både deig til knekkebrød, grove bollar, brød og skillingsbollar. Jøyemeg!

Knekkebrød har eg prøvd for første gang i dag. Hadde ikkje alt som stod i oppskrifta, men tok det eg hadde som likna mest, trur ikkje det vart so hakkande gale ;-)

Grove bollar!

Og brød som til slutt vart litt flate etter å ha heva altfor lenge i steike-køen, med eit utal brett bollar føre seg. Men dei blir nok oppetne!

No skal eg lage meg ein god kopp te, og smake både knekkebrød og bollar.

Viss eg kjem meg oppatt av sofaen, -det er ikkje berre berre å bake med dårleg rygg....Viss ikkje får eg rope om hjelp ;-)

Ha ein fin kveld!

Romjul og julegaver

2009-12-28T23:15:00.006+01:00

Sviblar må vere i hus heile desember. Planta full ei korg i fin fargeblanding, og no sprer lukta seg i heile huset. Mmmmm....

Både svarte englar og svart stjerne er å finne i den svartaste stova ;-).

Tenkte eg skulle vise fram litt av julegavene også. Denne fine pynten var under treet, men er no havna oppi treet.

Englesåpe og englefjes var å finne under juletreet. Desse for rett i kjellaren på baderomshylla.

Desse tre nissane hadde Ronja laga til brødrene sine.

Eit skilt som har vore på ønskelista i lang tid, var også under treet. Kanskje vi må ut å henge det opp i morgon?

Og ei bok! Skrive av ei venninne! Turar for små føter i Sunnfjord. Omtrent 100 turar har denne dama skrive om i boka. Vi har og vore med å gått nokre av dei, og vi er med på bilder i boka. Så bra å ha så mange turtips i nærområdet. Eg syns ofte dert er litt tiltak å ta ut på turar, når vi ikkje veit heilt verken kor vi skal starte eller slutte. Det slepp vi å lure på no! Denne blir nok flittig brukt både av oss og andre framover.

Sola har snudd! Det passa difor perfekt med utviding av behaldninga av plastservicet frå Marimekko. Det er først og fremst til hagebruk, og no gledar vi oss til det!

Koppar og fat. Dei er fine desse!

Og brannteppe. Slett ikkje dumt. Hadde faktisk tenkt på det no rett før jul, at det var sikkert lurt å anskaffe seg. Plutseleg så var det under treet! Slett ikkje verst!

Og så vil eg vise litt av den nostalgiske julepynten.

Nissen i trekanten heng på døra i Nostalgi-kjellaren. Desse nissane hadde besteforeldra på dørene sine. Dei er gamle og har med seg mange gode minner.

Dei fleste av englane har eg hatt så lenge eg kan hugse. Den største kan trekkast opp, og går då rundt mens den spelar ein julesang. Dei to små papirenglane har eg fått av ei grandtante som budde i København. Dei er også gamle. Den lille risengelen er ei venninne som har laga, av litt nyare dato enn dei andre, men har nokre år på baken den og... Den nest største engelen har Ronja arva frå mi tante.

Den tova nissekona er det Adrian som har laga.

Dette vart ei lita visning av gaver, julepynt, og litt julestemning her i huset. Som vanleg har eg lasta opp altfor mange bilder, så dei kjem nok litt på kryss og tvers her. Det får stå til!

Bloggar om alt på ein gang....

2009-12-20T02:36:00.005+01:00

Begrensar meg ikkje denne gangen, men bloggar om alt på ein gang! Har lasta opp altfor mange bilder også, så dei har plassert seg litt rart utover....

Tenkte eg først skulle vise litt frå kiosken. Den typiske 60-tals betongklossen. Her har eg fyllt inn ettterkvart som eg har sydd og produsert, og det ser snart ut som ein velfyllt butikk ;-).

Eg har også fyllt inn med litt lokalt produserte produkt, foreløpig Balholm frå Balestrand, men utover våren skal det inn litt andre produkt også, og så blir det vel litt utsalg til vegfarande i sommar tenkjer eg.

Ellers er det litt gamle nostalgiske saker frå tida bensinstasjonen var i drift. Kanner, oljeflasker, litt informasjonsskilt og ein del bilder frå kiosken si historie er hengt opp på veggane.

Kven er det som har laga alle desse hjerta, skal tru...? ;-)

Har lyst å vise denne muggen (trur ikkje eg har gjort det før...). Denne fekk eg av ein supersnill kollega, som hadde dumpa bort i den på eit loppemarked. Eg har nemleg heile servicet med dette mønsteret, men hadde ikkje mugge... Då dette kom for ein dag, var eg så heldig at eg rett og slett fekk heile muggen! Takk og takk! Eg jaktar stadig på delar som denne dama manglar til sine arvegods.

På ein av mine turar innom gjenbruk denne månaden oppdaga eg denne muggen. Eg syns det var noko veldig kjent med den.. men det plinga ikkje før eg var på støvtørkingsraid i min nostalgi-kjellar. Då oppdaga eg til alt overmål at eg hadde 3 skåler i same mønster. Muggen sto fortsatt i butikken neste gang eg var innom, og då vart det handel. Eg kan berre gremmest over den vesle terrinen som eg ikkje kjøpte tidlegare i haust, også i same mønster. Då plinga det nemleg ikkje. Og den er selvfølgeleg vekke no....

I kveld vart trappa opp til 2. etasje pynta. Girlander med lys og lysglas i trappa vart skikkeleg lunt og "julete". Litt grønsåpelukt kom det også ut av denne seansen.

Og kva skal dette bety? Jo, den utflytta kattungen er heime på juleferie. Og ein morgon eg kom ned hadde den leika litt hardt med ein orkidè... Det meste av blomster låg fint ved siden av... Det var berre å late som det var avskårne blomster og putte dei i vatn...

Snøen har omsider lagt seg såpass at mannen i huset (den eldste), kom seg avgårde for å prøve skia. På Gaularfjellet fann han denne utsikta.

Turboreven, som er maskoten til Barnas Turlag, kviler ofte her hos oss mellom turane sine med barna. Han fekk difor lov å vere med på denne turen. Eg trur han var lykkeleg for det!

Eit av dei siste sengeteppa eg har sydd i lyseblått, lilla og rosa-tema. Dette er pakka inn og blir å finne under eit juletre om nokre få dagar...

Badet i kjellaren held på å få sitt særpreg. Det er detaljane som tel heiter det.. Difor har eg fått sendt nedover to parfymeflasker frå Paradiset hage og interiør. Desse held nemleg stilen som badet skal få..

Ei lita trekvit hylle vart innhandla for kr 15,- på gjenbruksbutikken for nokre veker sidan. Denne har fått seg ein omgang eller to med malerkosten, og er havna på veggen på badet med diverse "stæsj" på.

No må natteravnen opp i senga. Det er nemleg eit poeng å komme på beina igjen før seinvakta i morgon! Ha ei god natt!

Hjerter! .....igjen...

2009-12-18T01:44:00.003+01:00

Eit mini-innlegg til meg og vere.... I kveld har eg atter ein gang sydd ei par hjerter. Fekk takk i nokre fleire band på min tur til Balestrand på mandag. Dermed så poppa det opp eit par nye variantar i hovudet mitt som berre måtte ut...

I kveld har vi vore på julekonsert i kyrkja. Mange flinke sangtalent og koret sang julestemninga inn. Etter konserten er det tradisjon med juletregang. Dette trur eg eigentleg er litt spesielt at vi gjer i kyrkja. Så lenge eg kan hugse har vi hatt denne tradisjonen. Forskjellen er at ringen rundt juletreet var mykje større før. Eg er eigentleg ikkje ein veldig ivrig juletregangar, men i dag måtte eg berre vere med, for denne tradisjonen syns eg er verdt å ta vare på!

I morgon blir det Førdetur. Eg må berre ta meg kraftig sammen å komplettere julegavene. Må sendast og leverast både hit og dit. Trur mange avgangar har deadline i helga, så ....Og sjølvsagt ein tur på gjenbruk, den mest spennande butikken i heile Førde!!

Sov godt, til dei som endå ikkje søv,....og god vakt dei som faktisk ikkje skal sove i natt!

Nissefest på låven, kjole og anna fjas

2009-12-14T02:17:00.004+01:00

Barnas Turlag Fosseheimen Gaular hadde årets siste arrangement på laurdag. Nissefest på låven på Tuftegarden. 80 små og store hadde lyst å ete laurdagsgrauten på låven, helse på dyra, og kanskje også få eit glimt av fjøsnissen....

Vi hadde kokt rikeleg med graut, så alle fekk ete seg mette og gode. Benka på høybuntar rundt med duk og lys på bordet, var stemninga svært god.

Fjøsnissen kom fram etter at vi hadde sunge så fint vi kunne. Alle fekk mandariner, rosiner og buffar frå nissen. Han var verkeleg snill!

Sidan vi var kun ein dag før luciadagen, serverte vi gløgg og lussekattar også. Eg hadde faktisk tatt på meg oppdraget å lage lussekattar.... Det hadde eg aldri gjort før. Det gjekk bra!
;-)

Den blå turboreven er alltid med Barnas Turlag på turar og aktivitetar. Han var blid og fornøgd i høyet.

I kveld fann eg ut at det var på tide at eg fekk meg ein ny kjole. Har hatt eit grått stoff liggande leeeenge, øyremerka kjole. Denne gangen vart det med hette på, og raude hjarter. Litt "julete"...

På kjøkkent har vi hengt opp eit gammalt skap. Det manglar glas, og skal truleg få prøve seg med hønsenettingvarianten i første omgang...

Inni skåpet har Greengatekoppane mine fått plass. Samt ei søt liten vase som eg fann på gjenbruksbutikken. Og fine små krydder og urte-glas frå ei dyktig venninne som produserer dette sjølv!

Det går også framover med julegavehandel og -produksjon. Korga som eg har sett fram for å plassere desse i etterkvart som dei blir innpakka og klare, er full....og eg er ikkje ferdig...

Sviblane på kjøkkenet er i full gang, trudde at eg hadde kjøpt ein rosa, ein kvit og ein lilla, men alle viser seg å vere kvite. Iallefall, ...dei luktar godt. Her ein morgon kjende eg lukta heilt opp i tredje etasje når eg kom ut på trappekanten... Godt vi likar den...Ingen har klaga iallefall....

Då er det nok på tide å komme seg under fellen. Halve natta er gått og vel så det. Men natteravnen elskar stillheita i huset og er slett ikkje trøytt. Trur likevel eg skal klare og sove når eg berre kjem meg opp i senga... God natt alle!

Desemberstemning

2009-12-08T02:15:00.004+01:00

Å ta bilde av utendørsbelysning, går eigentleg ikkje an med mitt kamera. Men dristar meg til å vise fram eitt likevel. Postkassebusskurmelkerampen vår er blitt julepynta med lys, nisse og kongler. Det er faktisk ganske koseleg.

Reknar med alle er leie av å sjå alle hjartevariantane eg syr, men det er jo så artig, at det dukkar stadig opp nye eksemplar. Desse to er allerede gitt vekk til to sangfuglar, som sang julestemningen inn hos meg og sikkert andre også, i en såkalla minijulehuskonsert fredag kveld.

Ein ettermiddag tusla vi ut i skogen for å plukke kongler og samle litt greiner og slikt til å pynte med. Litt er tatt i bruk, og litt gjenstår, viser det ein annan dag....

Ikkje heilt fritt for at vi fekk litt julestemning. Kvitt var det iallefall, sjølv om vi ikkje akkurat kunne gå på ski....

Adventskalendaren klar!

2009-12-01T01:06:00.006+01:00

Nesten kvart år tenker eg at i år skal eg starte på kalendaren i god tid. 5x24 presangar tek si tid å lage til. Nokre år går det fint med tidleg start, men i år blei det siste kvelden.... Men, faktisk syns eg det gjekk veldig kjapt og greitt å lage den klar. Kanskje litt fordi eg har nokre fellespresangar i år, og derfor sparte meg nokre innpakkingar...

Kjøkkenet er godt i gang med å blir julete. Sviblar er på plass og eg gledar meg til lukta....

Nyttar høvet til ei etterlysning. Vi har nemleg gamle heimesnekra kjøkkenskap og diskar. Saken er den at vi gjerne skulle hatt fleire slike. Vi har eit par kjøkkenprosjekt på gang, og ville helst hatt slike der og... Er det nokon som veit om slike på låve eller kjellar, -eller ein annan stad, som treng ein ny heim, så ta kontakt!

I gangen er det også innført julestemning.

I går kveld vart det produsert litt fleire julehjarter.

I dag tidleg låg desse pakkane klare på kommoden i gangen, slik at ungane kunne ta dei med til sine respektive klasse-adventskalendarar på skulen.

Det blir brent ein del telys her i huset....

Jonathan har blitt inspirert av kransebinding og hjarter, så etter ein skogstur på søndag, var denne plutseleg å finne på kommoden i loftsgangen. Syns den var veldig fin!

Då er tida inne for å tusle til sengs. I morgon ventar annonsering av uttrekt eksamensoppgave frå mappe, så då er det spennande om det blir ei som krev mykje bearbeiding, eller ei som krev lite. Eg har ein favoritt.... Er formen fin, og oppgåvetrekkinga gunstig, kan det hende eg skal begynne å kikke litt i julekakeoppskrifter....

Greengate i Førde

2009-11-20T08:26:00.004+01:00

Oppdagelse!

Rart at ingen forhandlar Greengate i Førde har eg tenkt av og til. For eit par veker sidan kjøpte eg meg eit par koppar i Balestrand, det var inntil då, den einaste staden eg hadde oppdaga som selde dette. I går var vi på jakt etter nokre knottar til eit gammalt nattbord. Vi hadde sett i eit vindu i ein "ny" butikk litt utanfor sentrum at det truleg kunne finnast knottar der. Og kanskje litt andre småting. Det som openberra seg når vi kom inn var ei heil avdeling med Greengate, godt gøymt bak i ein krok. Og butikken har vore der i nesten eit år! Attpåtil er det i kjellaren, under vår "byhytte" (les leilighet). Hoho, for ein oppdagelse! Trur kanskje det er mange andre som heller ikkje har oppdaga dette. Så om du likar Greengate. Ta ein tur til den vesle butikken i kjellaren under Førde Terrasse, Flatene 1!

To nye grøne, med prikkar denne gangen. Så no kan vi ha gjester...

Dagens

2009-11-17T23:52:00.003+01:00

Dagens produksjon består av ein ny pepperkakeform-pose, -eller noko-anna-juleting-pose.

Eg har eit altfor dårleg kamera til dette bruk. Sjølv syns eg faktisk at alt er mykje finare, enn det ser ut på bilde. Men, men det får stå til..

Eit miljøvenleg handlenett har eg også laga i dag. Dette er delvis laga av stoff som eg vant på bloggen Hobbyrommet. Litt retroinspirert. Langt og smalt. Bra til å handle purreløkar og slikt med, hehe.

Har gjort ferdig eit par hjerter til. Med englar i duse fargar.

-Og så ei pute. Denne har englar i hjartet. Kunne ikkje ta nærare bilete, for det vart faktisk stygt, og puta er fin!

Det var dagens. God natt!

2009-11-16T01:15:00.008+01:00

Hjartedilla!

Den siste tida har eg hatt dilla på å sy hjarter. Det har blitt mange variantar. Stadig nye idèar til utgaver dukkar opp! Mest spennande å sy, ikkje så spennande å stappe, og sy att holet....Så det har vore mange uferdige objekt.... Men no har eg skjerpa meg og stappa og sydd litt. Tenkte å vise litt av dei eg har produsert.

Det har blitt lite blogging denne veka. Vi har vore travelt opptatt pga eit slikt lite kryp som er avbilda under. Ronja har hangla i fleire veker. Etter mange turar hos lege, mange blodprøvar og vurderingar avsløra det seg til slutt ein borreliainfeksjon. Fysjom! Men no er vi igang med behandling. Intavenøs i 14 dagar, så det blir mange turar for behandling. Men det må til!

Så over til hjarter..og litt til.

Sist helg var det julemarknad i bygda. Ein klassekamerat til mine 10-åringar hadde støypt lys som han selde. Gutane mina var truleg blant dei beste kundane. Vi har iallefall no ei fin samling med grøne lys på kjøkkenbordet. I går måtte eg kjøpe ein Azalea. Begynte forsiktig med kvit, ettersom eg tenkte eg skulle vente litt til med dei lilla og røde, sidan dei er litt meir "julete".

Eg har fått ei gammal potte, som nok er ubrukt, etter ein landhandel som er nedlagt for mange år sidan. Det står prislapp under, kr 8,75 trur eg det var... Morsomt. Potta er fra Cathrineholm og egnar seg fint som potteskjular.

Eg har og forsøkt meg på lysdekorering. På avstand ser det jo ikkje så verst ut... Lyt nok prøve dette fleire gangar... Øvelse gjer vel meister...?

Dagen i dag har i grove trekk bestått av rydding av eit hus som har vore forsømt siste veka, litt gjester, behandlingstur med Ronja, besøk, litt hjartestapping, ferdiggjeringa av eit utkast av ei oppgave i mi videreutdanning som er sendt til veiledning (puh!) og no til sist, langt på natt, eit lite blogginnlegg. Alt i alt ikkje så verst... No gjenstår det å overvinne lakenskrekken! Ha ei god natt!

Litt nytt, litt brukt og vinnarlukke!

2009-11-08T02:25:00.005+01:00

Eg er rett som det er inn i den uferdige butikken til Nina i Paradiset og snokar i hyllene.

Dette har resultert i litt handel. For eit par dagar sidan kom varene i hus. Desse utruleg søte små skålene til telys kunne eg ikkje stå imot....

Dei har fått plass på dette sinkbrettet enn så lenge. Om litt skal sinkbrettet få æra av å vere adventsstake. Då skal også desse tala på biletet under vere med. Korga i bakgrunnen har eg også plukka frå hyllene i Paradiset. Det vesle sinkfatet er av same merke som det avlange, men det har eg plukka i hyllene til ein blomster og interiørbutikk i Balestrand (som eg ikkje hugsar navnet på i farten).

Denne såpa fann eg også i Balestrand. Den har fått plass i denne gamle flotte såpekoppen som eg har tatt vare på frå gamal tid. Dette får sin plass på nye badet...

I Balestrand har dei også Greengate. Eg har no i eit halvt års tid, kikka på dei ulike variantane i den hylla. Denne gangen blei to eksemplar med meg heim. Syns dei matcha putene på kjøkkenet ganske bra...

Og så har eg vore ein tur innom gjenbruksbutikken... Det var det eit par skattar som venta på meg denne veka. Eit stettfat....

Og denne utruleg søte skåla frå Figgjo. Med sommarfuglar på, var den ikkje lett å gå ifrå!

Denne veka har eg funne hjarteknaggar på Kid, flotte var dei. Trur dei havnar på vaskerommet..

Og så har eg vunne! 2 gangar! Først hos Hobbyrommet, ein overraskelsestoffpakke. Denne dama har mange skattar i stoff, og eg var skikkeleg heldig og fekk litt av dei. Gledar meg til å begynne på dei!

Og så hos Lykkelitens Boble, ein skikkeleg koseleg pakke. Med flott oppvaskkost og klut. Perfekt!

Og serviettar, med yndlingsblomen Hortensia, og "pyntedingsar" som eg ha tenkt å pynte lys med. Også perfekt!

Sjå alt det koselege som var i pakken!

Jøyemeg kor mykje eg har fått i hus denne veka! Morro var det, men kan nok ikkje fortsette i dette tempoet, då blir det snart fullt! No skal eg forresten på julemarknad, kanskje eg finn skattar det og....?

Symaskina framme att..

2009-11-04T23:54:00.004+01:00

Plutseleg ligg det visst ei heil rekke med hjerter på bordet og ventar på fyll.....

Ein julepose.....

Til peparkakeformer

Med mange barn kan det fort bli mange peparkakeformer. Beholdninga veks for kvart år. Kor skal dei vere alle dei dagane dei ikkje får vere i full drift på kjøkkenet?

Jau, no skal dei henge i denne posen på veggen i matboda!

Desse skal til fjells. Hytta på fjellet er nemleg iferd med å få seg nye kjøkkengardiner. Desse blir med som følge...

Eit forsøk på å sy ein vinflaskepose var sånn halvvegs vellukka.
Eg viser den fram likevel...

Nokre linhjerter med englemotiv, er ferdig stappa...

Desse får følge av matchande puter (eller var det omvendt?), pynta med paljettband...

Putene blir "prøvekøyrde" i gangen....

Som nattbloggar, får eg sei god natt til alle!

2009-10-30T22:57:00.011+01:00

Gjenbruksfunn og 3000 timar?

Først til dagens funn på gjenbruksbutikken. 3 nye eksemplar til dette gamle Figgjo-servicet. Har ein del av det frå før. Dette er andre gang eg finn deler på gjenbruksbutikken. godt fornøgd..

Då er spørsmålet; går det 3000 timar til dette prosjektet? Det er vi førespegla. Godt vi ikkje veit svaret....

Det gamle tømmerhuset som vi skal flytte til våren treng både nye deler , og forsvarleg og omsorgsfull behandling av gamle deler... Vi håpar sjølvsagt at mest mogeleg skal kunne nyttast vidare. Men truleg må heile taket skiftast. Det har vore lekkasje i taket i ein del år, og det er mykje rote.. Tømmeret vidare nedover er mykje bra.
Men noko av golva må nok også skiftast ut. Då treng vi tjukke furuer....

Dette er frå den eldste delen. Her er iallefall tømmeret tilbake til 1800-talet, kanskje endå lenger.. Truleg 1700-talet, men kan vere endå eldre. Det må vi ta prøvar av. Blir spennande å få stadfesta det.

Loftet over den eldste delen. Mange byfolk på sommarferie og drengar har sove her. Sengar langs med veggane sto klar til å ta imot gjestene og arbeidarane.

Den nyaste stova. Her håpar vi å få golvet heilt ut. Det ser brukbart ut. Truleg vil det få ny maling etter fargane som har vore brukt tidlegare.

Loftet over den "nye" stova. Her trengs nok ein del ny golvplank...

Bratt og lang trapp opp til loftet. Ved foten av trappa, i mellomverket mellom dei to husa blir det truleg ein kjøkkenkrok. Over kjøkkenet kjem kanskje eit bad, om det går å få til på forsvarleg vis...

Ny inngangsdør treng vi også. Denne har nok gjort jobben sin. Kledningen kan vi bruke mykje av frå langveggane. Truleg det meste.

Dør i gamedelen.

Nye vindauge i heile huset og ny kledning på endeveggane må vi nok ha.

Så mulig det går 3000 timar? Jaja, for kvar time er vi nærare målet... Blir spennande og gjevande å jobbe med dette prosjektet. Eg gledar meg jo mest til innreiinga... men lyt nok smøre meg med tolmodigheit (litt iallefall, kjem ikkje til å sause meg heilt inn...). Men då rekk eg å samle meir inventar i mellomtida. Det er jo kjekt!

2009-10-29T17:55:00.006+01:00

Hjerter og Norgesglas

I dag var det den store hjertedagen. Etter å ha blitt inspirert både her og der når det gjeld mosehjerte og andre hjerter, kom eg endeleg i gang. Dette var jo på langt nær så vanskeleg som eg hadde frykta. Så dei blei produsert nokre hjerter "på rappen" her. Hjertet på bildet over har fått plass ved utgangsdøra.

Som tidlegare Postmann Pat veit eg at det er kjekt med trivsel rundt postkassa. Og det er ikkje berre triveleg for postmannen, men for oss andre også sjølvsagt. Eit hjerte fekk difor plass i postkassehuset vårt. Dette vesle huset, er ein krysning av ein melkeramp, eit buss-skur og eit postkassestativ. Det kan brukast til så mangt..

Hjerte av lerkegreiner har eg også laga. Det har enn så lenge fått plass på den tomme veggen i stova. Greinene eg plukka hadde fortsatt nåler, så eg gadd ikkje lage så mange av desse i denne omgang. Har hengt resten av greinene ute så dei får drysse seg ferdig før eg produserer meir av den sorten...

Hadde litt til overs etter dagens produksjon. Dette har eg rett og slett putta på eit glas, så får det vere dekorasjon på kjøkkenet inntil eg skal lage noko meir.

Eg har MANGE Norgesglas. Nokre av desse brukar eg av og til. I dag var dagen då fleire enn på lenge skulle få komme inn i den daglege drifta. Som så mange andre bloggarar har eg putta te-lys på eit par stykker. Dei får stå framme på kjøkkenet.

Under skaprydding på kjøkkenet i dag. Fekk fleire glas flytte inn i skapet. Mykje ryddigare med einsarta oppbevaring...Det likar eg!

Når eg holdt på med hjertemakeriet mitt drog eg greiner og mose inn på kjøkkenet. Veslepus syns det var utruleg festleg med masse greiner å leike med på kjøkkengolvet. Saman med søskena sine hadde han full fest!

Eit siste hjert fekk plass i gangen. Er litt spent på kor lenge det får henge før det blir plagsom dryssing av mose, men det vil vise seg. Dette hjertet er pynta med tynn sølvtråd og perler. Det visar ikkje særleg godt på bildet, for eg har eit ikkje-verdens-beste-kamera...

Det blir nok laga fleire hjerter her i huset. Dette var morro!

2009-10-25T20:40:00.006+01:00

Kva skal eg blogge om i dag?

Eldste son er heime i kveld, og med str 47 i sko, er det god plass for ein liten pusekatt oppi der...

10-åringane har arbeidd med leire på skulen. Jonathan har registrert at te-lys er tingen no om hausten. Han har difor laga plass til dette i sitt kunstverk. Martinus har truleg hatt lørdagsgodt i tankane.. Flotte var dei begge to.

Dugnad igjen!

Rett over elva for der vi bur, skal det bli skianlegg. Ein akkurat passe stor bakke som vi kan trene oss i. Det skal bli kjekt med bakke så nær. Lysanlegget skal tennast til vinteren. Etterkvart skal vi få trekk også. Det blir bra! I helga var det dugnad. Felling av trær og rydding av kvist og kvast.

Ein god gjeng er i sving!

Her ser vi heim til oss!

Min jobb var å bringe mat til dugnadsgjengen. Sosialt samvær med litt kos og varmt i koppen høyrer til på einkvar dugnad!

Og så var det litt interiør.....

Gangen er ikkje ferdig. Det står att både listing, maling, ledningar og litt meir spekulering. Likevel er det begynt å ta form. Speil og anna er komt oppatt på veggane, og det er leveleg...

Fortsatt i gangen....

Og så litt bad....

Eg skjønte ganske fort at eg måtte ha ein liten benk på badet. Og det tok ikkje lang tid før "den rette" dukka opp. Denne er faktisk nyinnkjøpt. Det som var så bra var "sølvføtene" på benken, ettersom eg har lagt meg på litt "sølv"-tilbehør på badet.

God søndagskveld!

2009-10-23T01:40:00.007+01:00

Ein ekstra positiv dag.....

Først vil eg takke for denne Awarden som eg har fått frå Solbergets Mange Prosjekt.
Ho var vel eigentleg den som inspirerte meg til å "guffe opp" blogginga mi att for ei tid tilbake. Mange fine bilder (det kan ho!), kreativ som berre juling, og alltid positiv. Flott blogg!

Å gje vidare slike er vanskeleg.... Mange som fortener det, på ulike måtar.

Eg har likevel tenkt at eg skal beære Minkas rede, -fordi ho inspirerer med mange forskjellige kunster, -maler, -syr, - og lager saker og ting som eg nesten ikkje forstår noko av..., Nostalgias verden, -fordi ho slår i bordet med bakgrunnskunnskap om saker og ting, som imponerer meg og er ein meister til å gjere nostalgiske kupp på loppemarked ol. som ho viser til oss andre, og Elle Meller, - fordi ho stadig har inspirerande gjenbruksprosjekt på gang, -fordi ho har ein ordenssans som eg kan like, og fordi ho skriv nynorsk i bloggen.

Det var dagens!

Ellers har eg hatt vinnarlykke i dag! Har vunne ein overraskelsestoffpakke frå Hobbyrommet. Gledar meg til å sjå!

I dag har vi også komt litt lenger i planlegging av ei litt større prosjekt, nemleg flytting av eit gammalt tømmerhus. Det har eg alltid ønska meg. For eit par år sidan begynte vi å sjå etter slike hus, som kunne vere potensielle for flytting. No har vi funne eit som til og med ligg i same bygda. Det er positivt, det blir enklare å arbeide med og historien forblir i lokalmiljøet.
Demonteringa skulle eigentleg ta til i august, men veret og litt andre omstendigheiter hindra oss. Vi har fått gjort litt ryddearbeid og litt nødtiltak, så no er planen å starte til våren. Dette blir eit spanande og krevande arbeid. Men det skal bli bra til slutt! -og ikkje minst mange av dei gamle sakene eg har samla i årevis, skal få komme i eit autentisk miljø. Gledar meg!

Slike fantastiske dører finst i huset! Fleire bilder og oppdateringar om dette prosjektet vil det garantert komme meir av her ;-)

Endå meir positivt har komt i min veg i dag, men ikkje alt treng bloggast om. Hadde eg berre funne det gamle broderiet mitt som eg har leita etter i dag, så hadde det blitt verkeleg velstand!

2009-10-21T23:18:00.004+01:00

I mjølkerampens rike

Eit rampeprosjekt har pågått i bygda ei stund. Det vil sei at vi vil rehabilitere og ta vare på rampane og historia omkring desse. Prosjektet har vi kalla "Damer i sving". Det vil sei at damer har teke initiativ, søkt om prosjektmidlar, fått, og organisert arbeidet vidare.Vi er no eit godt stykke på veg med jobben. Det er kjekt å sjå at rampane framstår som innbydande og velstelte. Hadde rampane kunne snakke, hadde dei nok hatt mange gode historier å komme med. I si storheitstid var det eit viktig møtepunkt i mange grender. Her blei nytt utveksla, både med naboar og med mjølkebilsjåføren som køyrde gjennom bygdene. Her leika ungane. Eg har sjølv hatt mange konsertar i forskjellige rampar. Dei fungerer nemleg perfekt som scene for småjenter. Her har vi kunne søke ly for veret. Romantikk har det nok tidvis også vore i rampen.

Denne rampen har i desse dagar fått nytt liv. Her er ein dugnadskar i full sving..

Denne rampen ligg like ved ei ferist. Der trillar det stadig hjulkapslar. Rampen er eit lite hjulkapselmuseum. ;-).

Dette er vel den største rampen langs vegen. Denne ligg slik at turgåarar på Fossestien kan ta seg ein rast. Mange syklistar tek pause for veret her. Rampen er pynta med mjølkespann og blomster. Ei tavle som formidlar historien med bilete og tekst, kjem på plass her i desse dagar.

Ein mindre ramp, i ei mindre grend. Like søt, om ein kan kalle ein ramp for det...

Tre rampar til står att på programmet til å få nytt liv. Når dette er ferdig kan farande og fastbuande beundre alle desse små byggverka. Vi håpar dei no kan stå i mange år og formidle ein del av bygda sin historie.

Velkommen til mjølkerampens rike!

2009-10-19T22:41:00.005+01:00

Ferdig med småprosjekt + ein skatt og litt nytt

Moro å framstille desse hjarta i forskjellige variantar. Like før eg skal prøve meg på nokre romantiske variantar no. Det har eg tru på kan bli bra, om eg får det til som eg vil....

Ei veske, litt koseleg vart den til slutt, med knappefjas....

Eit par smekker, hekla på enklaste måte, med "det lille ekstra" .

Og så var det desse forklekjolane, då. Har prøvd meg på nokre variantar her, moro å sy desse.

På biletet over er den sydd i fleece, med for frå ei gammal t-skjorte..

Kan brukast på begge sider...

Eit gammalt småblomstra stoff på eine sida, og eit nytt frå Stoff og Stil på andre sida...

Her ein variant med begge stoffa frå Stoff og Stil..

Og så ein skatt. Eit gammalt englebilete som er "redda". Det skal nok komme til sin rett på sikt.....Kjem meir om det etterkvart....

Aller sist, -dorullholdaren som eg har bestilt frå Nina i Paradiset sin kommande butikk. Den er no på plass på det nye badet. Så då er det berre å vente på at resten av baderomsduppedittane skal dukke fram... Eg veit kva eg skal ha, men eg veit ikkje om det finst...!?

2009-10-18T23:26:00.005+01:00

På tur rundt huset

I dag var det eigentleg ver til å gå tur i, men på grunn av bøssebæringsoppdrag, krympa dagen litt inn. Dagens tur blei difor ein tur rundt huset for meg og Martinus. Vi bur veldig nær elva, så vi gjekk ned for å sjå på den. Det er alltid litt spennande når elva er så lita som no. Vi kan plutseleg gå på berg og steinar som ellers er under vatn.

Martinus poserer, på bildet over står han på "fiskeberget". Fiskeplassen.

Her er vi på eit berg som går ut i elva, som ikkje alltid er like tilgjengeleg....

Utsikt mot den eine brua og ein gammal sommarfjøs på andre sida. Utruleg klart og fint no på denne tid av året.

Eit forsøkt på å ta bilde av skibakken som vi held på å opparbeide på andre sida av elva, men sola ville ikkje vere heilt med på det... Iallefall stolpar til lys er på plass. Boring og fjerninga av dei største steinane held på og det blir ryddedugnad til helga av skog og kvist og kvast.

Utsikt oppatt mot huset. Er ikkje særleg begeistra for det store vindauge når ein ser det frå denne vinkelen. Dette vart sett inn på 70-talet, og erstatta to andre vindauge som tok seg mykje betre ut. Men eg skjønar tankegangen, for vi har ei mykje finare utsikt frå stova, både mot fjella, elva og sauene på bøen. Så spørs om ikkje vindauge lyt få stå. Kanskje vi kan dempe det litt med sprossar på sikt....

Tre gutar med 4h-prosjekt held på med innspurten. To av dei har baking, så det er hyppig bakst for tida. I dag var det brød og muffins på programmet. Kjekt for oss!

2009-10-17T20:36:00.002+01:00

Laurdagskveld

Då er det blitt laurdagskveld. I dag er det fredagspizza, som på grunn av andre "happeningar" som konfirmantleir og 2 års-dag til eit fadderbarn fredagskvelden, er blitt flytta til laurdag. I dag har det blitt litt meir maling i gangen, slik at den nye garderobeløysinga, delvis har blitt tatt i bruk. Ellers begynt å vinterplassere krukker og blomsterkassar ute. Dette er ikkje ryggvenleg arbeid, så det må takast litt "pø om pø" (som så mykje anna).

10-åringane har i dag hatt "hovudansvaret" for pizzabakinga, med litt rettleiing. Første gang dei har laga botn, og det skal dei ha, lenge sidan vi har hatt så sprø og god pizzabotn!

Kjøkkenet har fått eit par nye puter, som sikkert blir å finne både på golvet og anna... Iallefall, dei var akkurat passeleg søte, passa gardinene og andre saker og ting som befinn seg på kjøkkenet for tida.

I eine kassen var det fortsatt litt farge og liv. Dette fekk komme inn i stova, og heng no her og skal glede oss litt lenger.

Viser litt av den nye garderobeløysinga. Vi har tidlegare hatt ein liten "krinkelkrok" til jakker mm. slik at "restlageret" har befunne seg litt i kjellaren og litt ei trapp opp... Litt tungvint kan du sei... No er det blitt ei vesentleg større og meir praktisk løysing, takka vere at det bl.a er fjerna ei dør. I slike gamle hus er det rikeleg med dører og vindauge, det er sikkert...Meir plass til å henge, mange gode hyller til korger ( og kanskje litt pynt og fjas?). Det står sjølvsagt att litt listing, litt maling, og litt meir spekulering på skoplasseringa osv... Men "storarbeidet" er vel overstått, trur eg... Får vise meir når vi er i boks.

Det er blitt kveldsstemning i stova. Med ein ny hortensia på plass. Denne gangen ein kvit, sjølv om favoritten er blå. Ikkje berre er favorittfargen blå, men blå hortensia er faktisk favorittblomen. Men nett no var det kvitt som passa best inn i mitt stovehaustmodus...

Den gamle gyngestolen er under eit langvarig restaureringsarbeid, dvs nye meiar for eit par år sidan, men fortsatt ingen beis, maling eller lakk på desse. Stolen har heller ikkje sett noko til det nye trekket den er blitt lova. Den har enn så lenge, fått eit lappeteppe over seg. Det er den sikkert glad for, for då får den iallefall vere inne i stova. Og attpåtil framfor ovnen....

Dør borte vekk!

Kveldsstemning. Ny panel og gammalt tømmer er på plass i bakgrunnen.

Kveldsstemning andre vegen....

Ny lesekrok dette kanskje? Rett ved ovnen, kan bli godt for ein frostpinne gjennom vinteren.

God laurdagskveld allemann!

2009-10-09T20:41:00.002+01:00

Prosjekt, del 2

Har prøvd meg på nokre hjerter, morsomt! Har sjølvsagt bilde av mange fleire inni hovudet. Får sjå om dei "kjem ut" ein dag....Desse er havna i kiosken min i påvente av sin skjebne...

Rivings-og uthivingsprosjektet har også hatt litt framdrift. Ei dør er borte vekk...

Ny gammaldags panel, lik den som er brukt fleire stader i huset opprinneleg, er komt opp på veggen i stova, i staden for det utkasta 70-tals panelet. Malt, kvit og fin!

Har fått rigga på plass att litt møblement. Til tross for manglande listverk.

På loftsgangen har kommoden fått eit nytt liv, er blit kvit og fin. Sikringsskapet er fortsatt seg sjølv, men det kjem vel ei forandring etterkvart....

Ronja Røverdatter har vore til skogs i dag med kamera og dette er kva ho har fanga i linsa. Imponerande av ein 7-åring syns eg....

No er det pizza, sofa, tv og litt småprosjekt innimellom...

God fredagskveld!